رسالة إلى صديقتى الغالية/ حبيبة

[sara el.sokara]

رسالة إلى صديقتى الغالية/ حبيبة

السلام عليكم ورحمة الله وبركاته
الصراحة انا مش عارفة ابدا كلامى منين
يمكن دي تكون اول مشاركة ليا ف المنتدى
بس حبيت احكيلكم عن شخصية اكتر من رائعة
انسانة عمرى ماشفت ليها زى
مخلصة بجد وفية بجد صحبة بجد
م الاخر اللى ربنا رزقه بصحبة زيها يحافظ عليها اد عنيه واللى ربنا حرمه من نعمة الصاحب الحقيقي فبلاش أر ههههههههه
انا عايزة اقول رسالة صغيرة ليها ع مسمع من كل اعضاء المنتدى وزواره
عايزة اقولك يا حبيبة..
انك اغلى حد ليا ف حياتى
وانك قلبك كبييييييييييييييييييييييييييير اوى واستحملتى منى كتير جدا اللى اقرب الناس ليا لو مكانك ميستحملهوش
والصراحة انا عارفة انا مزعلاكى ف ايه بس عاملة نفسي مش اخده بالى .. انا مش هبرر.. انا غلطت ف حقك ومجتلكيش ف عيد ميلادك حقيقيi am so so sorry بس حقيقي معرفتش اجيلك خالص انتى عارفة ان لو عليا افضل معاكى العمر كله.. مش اسيبك ف يوم زى ده !! بس برضه التوقيت كان صعب عليا وعليكى عشان تنفيض العيد والصراحة كمان لما كلمتك الصبح حسيت ان التوقيت مش مناسب لمجيتى خالص.. بس انا مش هتحجج بده انا بجد ظروف بيتنا اللى منعتنى من انى اجى .. والله انا مانسيتك ابدا يا حبيبة. احب اقولك really i am so sorry و happy birth day يا اعز واغلى صحبة ليا
احب اقولك حاجة كمان انتى وحشتينى جدددددددددددددددا وبجد هموت واشوفك.. نفسي اترمى ف حضنك اوى
احب اعترف ادام الكل الوقتى ان حبيبة صحبتى زى امى ف حنيتها عليا وزى بنتى ف خوفى وقلقى عليها
حاجة اخيرة يا حبيبة اقولهالك
هي حاجة مش للقول
بس تقدرى تقولى عليها وصيتى ليكى طول حياتى وبعد .....
هما حاجتين مش اكتر
الحاجة الاولى لما ربنا يرزقك بطفل ان شاء الله بالله عليكى ماتحرميه من حنية الام ابدا (حتى بعد ما يكبر) لحسن دي حاجة صعبة اوى
الحاجة التانية بعد .... ( متقوليش بعد الشر لان اكيد هيحصل عاجلا ام اجلا ) لما تفتكرينى مش عايزاكى تعيطى لان دموعك غالية عليا اوى بس بطلب منك حاجة واحدة بس .. تدعيلي ان ربنا يرحمنى ويغفرلى ذنوبي لانى عصيته كتير اوى وخايفه منه اوى
ادعى ان ربنا زى ما جمعنا ف دنيته يجمعنا تانى ف جنته يارب العالمين
(ربنا ما يحرمنى منك ابدا يا حبيبة )
مطولش عليكو اكتر من كده
بس بطلب من كل اللى قرا التوبيك بتاعى ده يدعيلى انا وحبيبة ربنا ما يفرقنا عن بعض ابدا ف الدنيا والاخرة ياااارب

تحياتى للجميع
وكل سنة وانتم طيبين

المصدر: منتديات حبنا - من قسم: القلم الحر

---

vshgm Ygn w]drjn hgyhgdmL pfdfm

[سجودs]

ربنا يخليكم لبعض
ومتزعلوش من بعض ابد
يااااااريت تحبوا بعضكم في الله لان دي ثوابها كبير اوي

[سيف عبد العظيم]

اولا لهجتك مصريه
ثانيا الرحمة تجوز على
الحى والميت وربنا يرحمنا
جميعا ثالثا كلامك مش عجبنى
ابدا يعنى ايه عصيتى ربنا كتر اوى
ويعنى ايه تشهرى الكلام ده مع انه مش
موضوع وكمان الحاجه دى اسرار بينك وبينه
عارفه هو مين اختى الكريمه متزعليش منى كلامك
زعلنى جدا بس انا عاوزك جامده حديد والمغفرة من الله
هو وعدنا بيها بس نصدق وبجد الموضوع ده ياريت الادارة تحزفه
لو انا مشرف هنا صدقينى هحزفه اختى ارحمى نفسك وشوفى اختك او صدقتك
ملها زعلانه من ايه واذا كانت تدعو الى الخير فتبعيها رحمكى الله واذا كان دون ذلك
فثبتى على ما انتى فيه وان الله لهو الغفور زو الرحمة المجيد واذا كنتى فى امر مرض فان
الله هو الشافى ادعوة وهو قادر مقتدر وبجد كلامك ديقنى وانا خارج من موضوعك ده
وعوز المرة الجايه اشوف موضوع حلو كويس اعرف اغزلك فيه مش كدا برده اللهم اجعلها
اسعد خلقك وزودها برضاك يارب يارب يارب يارب يارب

[sara el.sokara]

اناشد المراقبين ع المنتدى ان يحذفو موضوعى الاول والاخير لانه ماعجب الاستاذ سيف عبدالعظيم
(ثالثا كلامك مش عجبنى ابدا يعنى)(وبجد كلامك ديقنى )(وبجد الموضوع ده ياريت الادارة تحزفه
لو انا مشرف هنا صدقينى هحزفه ) واحب اقول للاستاذ سيف لما تحب توجه نصيحة لحد ياريت تكون باسلوب افضل من ده
وياريت تعرف كمان ان البنات المحترمة مثلي ماتحب احد يغازلها وانا مش هقدم موضوع تانى عشان استنى سيادتك تغازلنى (وعوز المرة الجايه اشوف موضوع حلو كويس اعرف اغزلك فيه مش كدا برده)
ونصيحة منى ليك ياريت بعد كده ردك ع المواضيع يكون وجيز شوية (خير الكلام ما قل ودل) مش لازم موضوع انشاء تحرج فيه صاحب الموضوع ...
ولو الادارة تحب تلغى عضويتى كمان فان شاء الله دي اخر مرة راح ادخل فيها المنتدى عشان اسيبه للاستاذ سيف يبسط فيه ع مزاجه
وسلامى للجميع

[Mert]

مش حلو كدا يا جماعه

ومحصلش حاجه عشان ده كله

ويا سيف براحه على الناس شويه

ويا انسه بلاش ده كله يعنى

محصلش حاجه

انا بتاسف ليكى لو سيف قال حاجه زعلتك

ومنتحرمش من طلتك ومن مواضيعك

والكلام كله حلو يعنى مع شوية تحفظات

اولا ان مش ده مكان التوبيك يعنى

وحاجات تانيه مش مهمه

بليييييز مش تزعلى منه ده هوا بيهزر يعنى

ونورتم المنتدى بجد

كل سنه وانتم طيبين

تحياتى

[سيف عبد العظيم]

يا ستى ولا تدخلى
ولا تخرجى انتى زعلتى منى
وده حقك وانا غلط ودى وجهة نظرك
ورفضتى مشاركتى وبرده حقك يبقا لازم
هنا اقولك حقك عليا لان من المفروض برده
احترم نفسى شويه علشان لما اتكلم اتكلم فى
الموضوع اعتزر واقولك قدام الجميع اسف اسف
اما عن الاختصار فى الكلام فده برده انا شايف انه صح
لازم مش اتكلم كتير اوعدك باختصار فى الرد بس ال مش اقبله
انك تتركى المنتدى ارجو العفو والعفو عند المقدرة اسف اختى
وطبعا بشكرك اخويه الجميل اوى لانه هدى الامور وذوقك الطيب
ف حفظ الله