عماره العفاريت بالاسكندريه

[la7zt wada3]

عماره العفاريت بالاسكندريه

عمارة رشدي ... ولا عمارة العفاريت انا مش شايفة اى اسباب علمية لعمارة رشدى والى بيحصل فيها ومستنية ردودكم بجد حاجة مرعبة وتحير











اكيد مدام انت اسكندري اكيد سمعت عن اشهر عمارة فى اسكندرية اللى سكانها مش من البشر
العمارة الاشهر فى مصر بحالها مش فى اسكندرية بس

لكن الغريب .. هلى فعلا الموضوع حقيقيي ولا هو ميتعداش اكتر من موهبة شعبنا فى الاختراع وترويج الاشاعات المهم






عمارة رشدي عمارة غريبة جدا العمارة اللى اتبنت من الستنيات تقريبا ومن يوم ما اتبنت لحد دلوقتى لم يسكنها احد

ويقال انها مسكونه ... بعيد عن ودن السامعين ... الغريب برضه اننا من صغرنا بنسمع كلام كتير عن العمارة

لدرجة انى واحده من الناس اللى رسمتلها فى خيالى صورة من افلام الرعب ... حاجة كده زي قلعة دراكولا .. او تشبها

وممكن تسمع فلان اللى يقولك انى كان لى واحد صحبي كان شغال فى البنزينه اللى فى وشها وكل يوم يسمع صويت بليل والشبابيك بتفتح وتتقفل واللى يقولك ده كان فى ظابط قال ايه الكلام اللهبل ده ودخل العمارة لقه نفسه تانى يوم فى الشارع

... واللى يقولك الحنفيات بتنزل دم ....

واللى يقولك انت بتسمع صريخ بس ده مش صريخ انس ده صريخ غريب .... زي ما يكون اتنين من العفاريت بيتخنقوا على سرير

او اللى يقولك ممكن تقوم الصبح تلاقى غسيل متنشر وبليل بيتشال ...... وكتير قوي من الكلام ده










عمارة رشدي عمارة كانت لونها رمادي ودلوقتى اقتربت للسواد من عوادم السيارات غيرالشبابيك المتهالكة اللى فى منها مقفول وفيها مفتوح مفهوش شبابيك والشبابيك المفتوحة متشفش من وراها غير سواد من كتر الظلام العمارة كلها مش مسكونه ومفيهاش اي حاجة شغاله غير الجراج اللى بيخدم سكان المنطقة وبابها بتاع المدخل مقفول بجدار من الطوب مبني من زمان ....












وطبعا الرأي المشهور فى سبب قفلها هو رأي العفاريت ...



وطبعا فى اللى بيقول انها اتسكنت عشان هى اصلا كانت مسجد وصاحبها طمع فى الارض وهد المسجد وبناها

ومنهم اللى بيقول ان صاحبها ندر ندر لو ربنا عطا له فلوس وقدر يبنيها هيعمل الدور الاول مسجد ولما اتبنت طمع فيها

وفى اللي بيقول انها اتبنت على مصحف وقع من واحد من العمال

وفى اللى بيقول انهم كانوا مجموعة شركه ونصبوا على واحد فيهم فرملهم عمل وهما بينوا وطلعت العمارة عليه

وفى اللى بيقول ان العمارة صاحبها بناها ومات على طول ومازل فى خلاف بين الورثه حتى الان

وفى اللى بيقول ان الوريث الوحيد بره مصر وطلع الاشاعة ديه عشان محدش يسرقها وهو مش موجود

وفى حاجات كتير بتقال لكن



السؤال عمارة فى رشدي على شارع ابوقير فى مكان متميز زي ده ازاي اصحاب المقاولات سيبنها وموقعها متميز جدا ازاي عمارة فى مكان الشقة لا تقل عن مليون جنيه متروكة حتى الان ... ولو فعلا العمارة مسكونه هل لا يوجد فى مصر شيخ يقدر ينظفها ... وازاي السكان اللى حوليها قدرين يعيشوا ...







وبكده ينتهى الموضوع وستظل عمارة رشدي لغز لا يفهمه الكثيير وهناك من يقتنع فعلا بان بها سكان من العالم الاخر وهناك من لا يقتنع بهذه الخرفات ولكن يبقى السؤال لما هى متروكة حتى الان ....

المصدر: منتديات حبنا - من قسم: القلم الحر

---

ulhvi hguthvdj fhghs;k]vdi

[غزالة]

بجد حاجة غريبة جدا وانا اول مرة اسمع عن العماره دى ربنا يحفظنا شكررررررررررررررا

[la7zt wada3]

ايه دا بجد اول مره تعرفيها

انا بقي في قلب الحدث

ههههههههههه

بروح الدرس جنبها علطول

بس انا بسمع عنها ولما بشوفها بلاقي ناس عادي معديه من جنبها

لكن هموت واعرف سرها ايه العماره دي


ومنوراني يا قمر في التوبيك

[juliet]

هههههههههههههههههههههههههههههه
هدير مش هتكلم ع العمارة تى بقى
ربنا يجعل كلامنا خفيف عليهم
هههههههههههههههههه
جاياااالك تانى

[مرمارينا]

دي حاجه غريبه جدا انا اول مرة اسمع عنها بجد موضوع يشد تقبلي مروري

[cindrila]

دى حاجة مش ليها اى سبب انا اول مرة اسمع عن العمارة دى بس فعلا حاجة غريبة
انا لو منك ياديرو احاول ادخل العمارة واشوف فيها اية
بس اوعى تعملى كده ليكون اللى فيها ده حقيقى
وانتى غالية عندنا كلنا ومنقدرش على بعدك
شوفى انا بحبك ازاى ادعيلى بقى من قلبك