ياريت تنقذونى الشله حبستنى وانا مظلوم (( يوميات المغازل فى السجن ))

بسم الله الرحمن الرحيم
طبعا كلنا عارفين ياجماعه لعبه ادخل السجن
يا جماعه دى قصتى فى اللعبه والسجن الا انا مظلوم فيه ياريت حد ينقذنى منهم
البدايه ......
انا دخلت اللعبه ومكنتش اعرف عنها حاجه ولا قواننها ...... الخ
وكان فى اخى وصحبى اونى العزيز محبوس فى سجن المنتدى وكان فى شله من البنات مكونه من (( بقايا ..... لولا .... فله .... الخ يعنى بنات يامه هما الا كانوا حبسينه وكانوا بيعذبوا اخونا
اونى تعذيب شديد فى السجن فصعب عليا جدا جدا وقولت اعمل معاه واجب واخرجه وبالفعل
خرج اخونا على حسى وقال ايه لازم ادخل مكانه علشان كلامى مكنش عاجب الشله .
بالطبع حكموا عليا كاى مسجون احكام كتيرة هى مش صعبه بالنسبه للسجن ولكن بالنسبه ليا
كانت صعبه قوى قوى فمكنتش عارف اعمل ايه ولكن بسبب خبرتى فى الحياه تصرفت وكملت مشوار السجن عادى والا اكتر واكتر انى بصرف على السجن من جيبى مثلا .....
اجيب صابون على حسابى رابسو .. اكل وكل متعلقات السجن ..... الخ
وبالطبع من كتر اخلاقى فى السجن الرفيعه وسط صحابى المساجين وبسبب تعليم الرفيع برده
كنت بقيت زعيم المساجين ..
وفى يوم وانا قاعد بغسل الهدوؤ بتاعت المساجين بعد طبعا الظبيخ بتاع العدس وغسل الاطباق .
وغيره وغيره .... الخ جاءتنى فكرة الا وهى عمليه اضراب فى السجن .
وبصفتى زعيم قمت وخطبت خطبه فى المساجين .. مبدءها الحريه لدى الانسان والحيوان
والحشرات كمان وها هى الخطبه

الحريه يا اخوانى شى لابد منه كالماء والهواء .... الخ ولا نقبل من اى انسان ان يسلبنا اياها
فلماذا دائما ياتون بنا الى السجن ..؟ هل علشان بنخطا طيب هما كمان بيغلطوا على طول
ولكن الباين لانهم قدام هنا وليه دايما يطلبون منا غسيل الصحون و الهدوم وكمان بنصرف من جبنا
اليس هذا نوع من الظلم ..؟ اليس هذا نوع من الاستبداد ....؟

وطبعا المساجين تصفيق حاد وتصفير منقطع النظير وشعارات منها

(( يحيا زعيم المساجين ** تحيا الحريه ** يموت الظلم ** عاش المغازل عاش عاش ))
وانا بالطبع عمال شغال فى الخطبه .... ايها المساجين الاحرار افيضوا من غفوتكم فوقوا
من رادتكم طالبوا بحريتكم وهكذا وهكذا ............ الخ
وبالطبع المساجين تصفيق حاد وتصفير منقطع النظير وشعارات وهكذا ......... الخ
وبالطبع وصل اصدار الشعارات والاضراب الى غرفه المامور باشا ((( بقايا وشلتها )))
وانا شغال بحماس ايها المساجين طبعا كلكم بتسالوا ازاى نطلب بالحريه ازاى نقف امام
الحكومه وهؤلاء الناس الذين يردون سلب حريتنا حتى امام المامور نفسه ..... الخ
وانا بكمل الخطبه وفجاءة وفجاءة وفجاءة لاحظت احد المساجين يحاول لفت نظرى لشى
يحاول ان يقولى حاسب ولكنى لم القى له اى اهتمام او تعبير وكملت
وفضلت اطلق صواريخ على القاعدة العسكريه والمامور كمان ((( بقايا والشله ))

ووفجاءة وجدت نفسى محمولا على الاكتاف ففكرت ان احد المساجين اخذتهم الحماسه فارادوا
ان يعبروا عنها بحماسه برده ولكنننننننننننن ........................

الحقيقه ان عساكر السجن هما الا اخذتهم الحماسه وارادوا ايضا ان يعبروا عنها ...... ومش هقدر
اقولكم ايه الا حصل فيا بجد علشان برستيجى قدامكم ولكن الا حصل بالفعل فى السجن اعتقد
انه لا يطابق القوانين ولا حتى الديمقراطيه الا هى (( الحريه ))
وطبعا دا كان برعايه الحكومه المكونه من..(( بقايا انسانه ..وفله ... لولا ,,, وغيرهم ..الخ

فانى اناشد المجلس الاعلى للقوات المسلحه بالمنتدى ((( الاداراه ))) ان تطلق سراحى
واناشد الشعب ((( الاعضاء )) ان يطلبوا الحريه ليا وتوصيل صوتى الى اعلى مراكز القوة
والا فالاضراب هيفضل شغال فى السجن ومش هقولكم ايه الا بيحصل فى سجن المنتدى
تعالوا انتم وشوفوا انه لاظلم لاستبداد لاهانه ..............الخ

ارجوكم تعالوا خرجونى باسم الحريه ياسم الحب باسم الاخوه ...........الخ
وحاسبوا الا فعلوا باخوكم كده وغيرى وغيرى وغيرى .

والمشكله يا جماعه الاخ اونى الا خرجته من السجن كان بيجى السجن كنوع من انواع التفتيش
يعنى علشان طبعا (( مسجل خطر فى السجن )) ولم ياتى لكى يزورنى مرة الا لما بعتله مع عسكرى وعاتبت عليه قال ايه جايبلى عصير ...... وكمان الحكومه (( الشله )) مش عاوزة تدخلى العصير .. انه الظلم حرام كفايه ...............ز انقذونى مما انا فيه
اريد اخرج اليكم اريد حد يساعدنى ....... بليز ارجوكم


اخر كلمه للشله ..... لو مكنتش اقلب عليكم المنتدى يا شله هههه يانا يانتم
ورونى بقى هتقبلوا الاضراب ازاى ..؟

ودى كانت صفحه من يوميات المغازل فى السجن