عوده برنامج حبنا منكم واليكم والسلام عليكم

السلام عليكــم ورحمـة الله وبركاتــة ،،

طيب جاري تقديم الطلب لبهاء
وكل ده عشان خاطر ال 80 عيل

واحنا تحت امرك ومنور الموضوع بس اجدعن
تقبل تحياتى واحترامى
وفى انتظارك
على بابا

ايه يالمياء ده انتي لو بتحضري ارواح ولا عفاريت كان زمانك خلصتي ههههههههههههه

كده وانا الي معتمده عليكي ارجع والاقيكم زي مانتم ماشي

شويه وارجع انا بموضوع الحلقه الجديده

لا يا قمر انا مجهزة الموضوع من فترة

بس كنت مستنية النقاش يخلص فى الموضوع المطروح

ثقافة الارتباط و الزواج بدء دلوقتى يظهر ليها اشكال جديدة

مثلا القنوات الفضائية مليانة برسائل sms شاب بيدور على عروسة و بنت بدور على عريس

و مواقع الزواج الى انتشرت بشكل كبير على النت و فى اعداد كبيرة بتشترك فيها

و الاعلانات الى بتنزل فى الجرايد

و الموضه الاخيرة قناة lbc عمله برنامج زوراج

مجمعه بنات مع شباب و امهات الشباب فى بيت واحد لمده 3 شهور

علشان الشباب يتعرفوا على البنات و الشاب الى يعجب بى بنت يرتبط بيها

يعنى قمة الهبلة

فهل وجود التكنولوجيا فى حياتنا يدفعنا اننا تطور اساليب الارتباط

ولو افترضنا ان شاب ارتبط ببنت

باحد هذا الوسائل ياترى مدى جدية الموضوع

و الى غريب ان الشاب فى الوسط الى بيعيش فيه مقابلش اى بينت يرتبط بيها خالص

فلجا لطريقة جديدة ليرتبط

فعلا الموضوع غريب جداااااا و انتشر اوى

مستنية اسمع تفسيركم للظاهرة دى

اولاً : يجب ان نفصل تماماً بين هذا الموضوع وموضوع الدكتور علي ( مداد قلم ...... مشاعر قلب )
لاننا سنري الاراء مختلفة تماما
انا هتكلم اولا عن الزواج عبر الانترنت الشات بصفه عامه
هيه وسيلة للتعارف مع ان فيها كتير من الكذب والحورات لكن نجد ان في علاقات كثيرة ناحجه وكللت هذه العلاقات بالحياة الزوجيه الناجحه علي حد علمي
يعني مثلا زي ما بقابل وحده في الجامعه او وسية مواصلات او اي مكان عام وبيحصل تعارف ثم ياتي الاعجاب فالحب فالانترنت وسيله ايضاً كباقي الوسائل

ثانياً اما عن موضوع المواقع بتاعه الزواج او الرسائل علي القنوات الفضائية بصراحه انا شايف ان في شبه بينه وبين زواج الصالونات بصراحه مش عارف هل هذه الزيجه ستفشل ام لا
لكن من وجهة نظري ان انا شايف ان الحكاية دي فيها شي من الترخيص للنفس وسيقوم عليها بعد ذالك مع مرور الزمن داخل الحياة الزوجيه ومع وجود اي مشكله سيكون فيها شئ من المعايره او ما شبة ذالك

تسلمي لومو علي الموضوع الرائع ده

انا شايفة ان ارتباط النت

عنصر المصداقية بيكون صعب الحكم عليه

لانه طبيعى ان حقيقة الشخصية بتظهر فى المواقف

مش مجرد الكلام

انا معاك بليو ان فى صداقات على النت اتقلبت لارتباط و اصبح ناجح

بس هل وجود النت فى حياتنا اصبح هو وسيلة الارتباط

وانا معاك بليو كمان ان الارتباط عن طريق الرسائل و مواقع النت

فى نوع من الترخيص لان العلاقة بتنشا بسرعة من غير معرفة حقيقية بالطرف الاخر

<div class='quotetop'>إقتباس(lumo @ Jul 28 2007, 01:45 AM) [snapback]239886[/snapback]</div>

اسمحولى ان ادلو برأى فى هذا الموضوع الهام والمهم والذى اصبح
يمثل فى حياتنا مشكلة ومش اى مشكلة ..المهم .... اتجه الان اغلب
العائلات لزواج الصالونات لما فيه من اصول ومعرفة العائلة والاصل
والفصل والتربية وحد يقول طب والحب اين هو ؟؟ اقول طب بذمتكم
ابويا وابوك وامى وامك كانو عاشوا قصة حب علشان يتزوجوا
لكن مهم جدا الحب فى نشأة الحياة الزوجية لكن ممكن وممكن جدا ان
يأتى الحب بعد الزواج ويصبخ زواجا ناجحا بكل المقاييس لكن ربما
ايضا اختلفت وسائل التعارف بين الناس من الصالونات الى العمل
الى الصداقة الى الزمالة الى حفلات الاهل والاصدقاء الى الرؤية بالشارع
الى وسائل التقدم التكنولوجى ومن اهم وسائله النت وانا ارى ان النت ما
هو الا وسيلة من تلك الوسائل زيهل زى اى وسيلة اخرى مما تجدثنا
عليها سابقا ...اذن النت وسيلة ليس فيها اى عيب او ترخيص من اى
من الجنسين سواء الرجل او المرأة .... ونحن جميعا نتحاور ونتناقش
فى هذه المسألة ربما نخرح برأى اخر اكثر وجاهة ومعنى
لكم جميعا تحياتى واحترامى وتقديرى
على بابا