عوده برنامج حبنا منكم واليكم والسلام عليكم

**mnmona2007** · 07-09-2007, 10:30 PM

السلام عليكــم ورحمـة الله وبركاتــة ،،

ازيكم كووووووووووووووووووووولكم وحشتوني موت في البرنامج بتاعي

البرنامج توقف فتره كده عشان يعني المذيعين كانوا وخدين اجازه (( مش من حقنا ولا ايه هههههه ))

المهم : نعمل مراجعه سريعه للمواضيع الي اتكلمنا فيها الفتره الي فاتت

1: اول موضوع كان الراسيل ال اس ام اس الي بتظهر في شاشات التليفزيون
==> المذيعه : منمونه ( الي هو انا ))

2: موضوع مستر ايجبت
==> منمونه

3: موضوع عن اولاد الشوارع
==> منمونه

4:النظافه في بلدنا==> ساره

5: موضوع عن اسامه منير==> منمونه

6: موضوع عن فتوى ارضاع زميل العمل
==> مميش

7:موضوع عن التكاليف الباهضه للافراح

==> دكتور علي بابا

**على بابا** · 10-24-2007, 10:42 PM

غاليتى منمونة
ايضا لفت نظرى ان اخر رد على موضوعك
الجميل والذى كان يطرح قضايا جميلة تفتح
باب النقاش والحوار الجاد بتاريخ 1/9/2007
يعنى تقريبا منذ حوالى شهرين ؟؟
ليه ؟؟؟
ولماذا ؟؟؟
دا من اجمل المواضيع ؟؟؟
عودى يا غاليتنا منمونة الى موضوعك القيم
واديرى حوارك ومناقشاتك القيمة والهادفة
ونحن جميعا فى انتظارك
تحياتى وحبى
على بابا

**mnmona2007** · 10-27-2007, 06:08 PM

slmبجد انا كمان ببقى سعيد جداااااا بردودك ولو انك بقالك ززززززمن مش دخلت المنتدى يارب يكون خييير

وبالنسبه للردودك انا والله مااعرف مين مسحها او موضوعك حتى عموما معلش وهنستنى منك موضوع تانى وردود

حسام انت والله فعلا عندك حق كل وسائل الاعلام بيستهزؤا اوي بالدين

ولازم يطلعوه بصوره وحشه ليه معرفش

مرسيه جداااااا ليك حسام

دكتور علي انا عرفه والله انى فعلا الموضوع ده اتركن شويه

لكن اوعدك هرجع بموضوع قوي قريب

**memesh** · 10-30-2007, 11:52 AM

اشاركك الراى دكتور على ان فعلا بقالنا كتير اوى نسينا الموضوع الرائع
و بجد سننتظر منك مو ضوع جامد منمونة زى ما قولتى
بس بسرعة يا ريت

**على بابا** · 11-01-2007, 01:50 PM

بما ان منمونة لم تطرح اى موضوع
وانا ومنمونة واحد
ايه رأيكم فى ان اطرخ عليكم موضوع من
وحى مسلسلات رمضان
وهو عبارة عن سؤال وعايوين الاجابة عليه وليه
هل لو تقدم اليك عزيزتى العضوة شخص مثل
حمادة عزو بتاع تمثيلية يتربى فى عزوه تتقبليه
زوجا لك ؟؟؟؟
وهل عزيزى العضو لو تقدم لاختك او بنتك واحد
زى حماده عزو وانت صاحب القرار توافق علــى
ان يكون زوجا لاختك او لابنتك ؟؟؟؟
نتناقش ..نتحاور.. نصل للصح
تحياتى واحترامى وتقديرى للجميع
على بابا

**mnmona2007** · 11-06-2007, 06:52 PM

طبعااااااا واحد يادكتور

ومرسيه ليك لاضافتك موضوع جميل زي ده

انا بالنسبالي بصراحه مااعتقدش انى ممكن اوافق عليه

لاني اصلا مش بحب الراجل ابن امه

بمعنى انه معتمد عليها في كل شئ

هي الي تجبله فلوس

هيه الي تصحيه ... هيه........ هيه ايه ده

لا مستحيييييييييل اوافق

وبعدين ده كان فوضوي ومش مسؤؤل

لا انا الشخصيه الي هجوزها عمرها ماتكون حماده عزو ابدااااااااااااااااااااا

**memesh** · 11-08-2007, 07:49 PM

لالالالالالالالالالالالالالا
حمادة عزو دة استحالة ممكن يكون زوج
دايما هيبقى امة المسيطرة علية صعب اوى اى واحدة فى الدنيا تحب
انها تتجوز واحد مثلة مهما قدم لها من مال
لان السعادة عمرها ما كانت فى الفلوس
بس عايزين رايك يا دكتور على فى الموضوع دة

**دموع حائرة** · 11-13-2007, 08:36 PM

حلوووووووووووووين
يسلموا الايدى زهراء

**mnmona2007** · 11-25-2007, 06:32 PM

السلام عليكم ورحمه الله وبركاته

متابعي البرنامج الكرام ....

الحلقه النهارده ممكن تكون غريبه شويه...

بس فعلا الموضوع ده عامل عندي ازمه من زمان

ببساطه وبدون مقدمات .. هتكلم عن سخافات برامج التليفزيون

وبمثال سريع هتفهموا الحكايه..

حد متابع برنامج صبايا (( على قناه المحور)) للمذيعه ريهام؟؟

اهو انا على قد ماكنت بحب المذيعه دي مبقتش بكره حد قدها

هتقولولي ليه بس؟؟؟؟

هقولكم ...... اول حاجه عوزه اجابه على سؤالي

قد كده احنا جيل تافه وسطحي

قد كده مضحوك علينا .... ومنعرفش الكويس من الوحش

ياااااااااااااه والله كنت بحسب فينا نسبه كبيره كويسه

لكن ده انا على كده طلعت غلطانه خالص

الحكايه ومافيها ان ريهام المذيعه دي

شايفه كل حاجه بنعملها غلط × غلط

الكمبيوتر غلللللللط .... النت مصيبه من مصايب الدنيا

الحب يخراااااااااااابي هو فيه حاجه اسمها حب

الجواز عن حب دي حاجه خيال...!!

الصداقه ........... الا دي هو عاد فيه صداقه

كميه من الاحباط تتوالى علينا زي المطر

ليه ؟؟؟؟؟؟؟؟؟؟ لا بجد ليه

هو حد مسلطهم علينا ولا ايه.............!!

مش ريهام بس ده غيره وغيره وغيره

تصدقوا انها كانت سبب خناقه بيني وبين ماما

اصل ايه ماما من النوع الي بيقتنع اوي بكلام التليفزون على الشباب

ريهام دي بقى طلعتلي في البخت كل حاجه عندها غلط وعيب وميصحش

ليه يابنت الحلال كده معرررررررررررررررررفش

حاولوا تسمعوها في مره كده هتحس ان انت واحد ولا تسوى وان كل حاجه حوليك غلط

والدنيا وحشه والحياه سوداء .. طب ماشي ماحنا بنعيش ايام وحشه فعلا

بس ده مش معناه ان مفيش حلو والله فيه.....

ليه الهجوم علينا ورؤيه الجانب السئ فينا فقط

ليه بيقعدوا يقولوا حكاوي على النت تشيب الواحد

طب انا اهو بدخل نت وانتم كمان ... في نسبه مننا بستفيد وتفيد تعمل حاجات صح

وفيه نسبه تانيه بتعمل حاجات غلط انا منكرش ده

يبقى ليه بقى نطلع في التيفزيون ونقول ياأمهات ويا آباء خلو بالكم من ولادكم

اصل النت ده وحش .... كخ

عيالكم بيعملوا عليه حاجات وحشه..... الله يخربيتكم

هو انتم معدش وراكم غيرنا ولا ايه؟؟؟؟؟؟؟؟

خلي بالك ياماما من بنتك دي شكلها بتحب واحد زميلها في الجامعه

يلهوي ودي تيجي ازاى .... تحب ده كده يعني كفرت خلاص

الحقي دي كمان هتجوزه عرفي .... اوباااااااااااااا كمان

امال فين بنات الناس المتربيه

خلصوا............ بح ؟؟!!!

بجد انا شايله من ريهام وامثالها من الارف الي بسمعه منهم

وهيجي يوم واكسر التليفزيون ده خاااااااااااااااالص

ومسيري هبعت ميل للمذيعه ريهام ومليون % هفهمها وجهه نظرنا

واسيب المايك دلوقت للي ورايا يقول رأيه في الي انا قلته ....

هو انا هبله ؟؟؟؟؟؟؟؟؟؟؟؟

**mnmona2007** · 11-25-2007, 06:15 PM

دموع حائره نورتي بمجرد مرورك

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحث المتقدم
طرق مشاهدة الموضوع
الانتقال إلى العرض العادي العرض المتطور الانتقال إلى العرض الشجري

عوده برنامج حبنا منكم واليكم والسلام عليكم

القلم الحر