يوميات اتنين مخطوبين (عمر وساره )

الحلقة السادسة


النهاردة يحيى باشا كمل شهرين بالتمام والكمال خلاص بقى راجل قد الدنيا ومحدش عارف يكلمه ....بقى بيضحك لما ألاعبه بجد بجد ابتسامته لايمكن توصف بتمسح عنى اى تعب او ألم ........والظاهر هو عارف كده بيعمل كل كارثة والتانية وبعدين يبتسم لى كأنه بيدينى رشوة !!!....آآآآآآآآآه واضح ان جينات الرجولة بتتخلق من بدرى اوى !!!لا وواضح انه ح يبقى شقى جدا عاوز يرفع دماغه على طول علشان يعرف ايه اللى بيحصل فى الدنيا من وراه !! ولا يقبل أى تأخير فى طلبات سيادته ولو لدقيقة واحدة بيكون كل الشارع سمع صوتنا !!

بس بجد كل يوم بسأل نفسى ازاى كنت عايشة فى الدنيا من غيره ؟؟؟؟ صحيح انى نسيت النوم و الراحة والخصوصية بس سبحان الله ربنا بيعوض كل ده بكنز خاص اسمه الأمومة ......المدير عاوزتصميم المشروع الجديد جاهز فى أقل من شهر حتى لو اضطريت انى أبات فى الشركة انا وزمايلى مش مشكلة المهم يتسلم فى ميعاده بالثانية ......أمال ليه احنا فى شركاتنا العربية كل حاجة ماشية بالبركة ؟ وعادى جدا اننا نسمع عن مستشفى مثلا بيتبنى فى عشرة وعشرين سنة كمان ؟ طبعا كل ده مش وقت للبناء بس بيشتغلوا يوم ويريحوا شهر !!!

بس فعلا مش قادر على ضغط الشغل حاسس انى مطحون وكل حاجة عندى بالدقيقة والثانية .....وانا كمان فى مرحلة اثبات الذات فى الشركة وغير مسموح لى بأى خطأ أو تهاون .... وللأسف جو البيت لم يعد مشجع زى زمان .....سارة طول الوقت عينيها بتتهمنى بالتقصير ناحيتها وناحية يحيى ....رغم انها لم تصرح بده بس أنا بأحس بيها ...لكن أعمل ايه بأرجع البيت بأكمل شغل على الكومبيوتر والنت وبالعافية بأنام كام ساعة .....مفروض انى أسيب ده كله وأسيب الدوامة دى وأسألها يحيى رضع كام مرة النهاردة ؟ ستات رااااايقة !!!

أجازتى من شغلى انتهت وكان لازم أرجع والا يستغنوا عن خدماتى ويجيبوا حد تانى ...وكان قرار صعب جدا انى أرجع ولا أقعد فى البيت وخلاص ....كنت محتارة جدا فى القرار والكل كان رأيه انى أتفرغ لتربية يحيى وخلاص وأولهم عمر طبعا !!!....

وأنا كنت حاسة انها حاجة صعبة جدا .....انى مش لاقية وقت أخرج ولا أنام زى البنى آدمين الطبيعيين لا وكمان أصحى بدرى وأشتغل !!!.......وساعدت حالة الاكتئاب اللى كانت عندى - واللى الحمد لله انتهت بمرور الوقت وبتقربى الى الله – ساعدت كمان انى ما يكونش عندى قدرة انى اعمل اى حاجة تانية ........لكن بمرور الوقت أصبحت أفضل فى رعاية يحيى وبقيت بأعرف هو بيبكى ليه وحاولت أنظم مواعيد رضعاته....... فحسيت انى لازم أرجع أشتغل تانى وخصوصا انى لا يمكن ح ألاقى وظيفة انى أشتغل من البيت تانى !! فصليت استخارة وحسيت ان ده مستقبلى حتى لو كان بسيط بس انا مش عاوزة أكون زوجة و أم بس لأ لازم أكون قبل دول .........

لازم أحافظ على شخصيتى وما أسيبهاش تدوب فى دوامة البيت والأطفال .حتى لو تعبت شوية لكن أكيد ح أتعود ......ولو ما تعبتش دلوقتى فى شبابى ح اتعب امتى ؟لكن الايام الاولى كانت أنتحار بجد طول الليل سهرانة مع يحيى وبينام بعد الفجر يادوب أصلى وأنام ساعتين واصحى أقعد على الكومبيوتر وأبدأ فى ارسال الايميلات والرد على العملاء بس طبعا بأمووووت من التعب وأحيانا كنت بأنام وأنا قاعدة وأصحى مفزوعة من صوت التنبية فى الرسايل اللى بتوصل كل ثانية !!وأفضل أشرب شاى وقهوة لحد ما أفوق وفى خلال كل ده أرتب البيت بسرعة ......ويحيى معايا طبعا بأعمل له كل طلباته بدون توقف ...... لحد ما ينتهى العمل الساعة 3 وبأكون خلصت الغداء وبأحاول أنيم يحيى وأنام جنبه ولو ساعة او ساعتين وبعدها أصحى أستعد لحضور عمر الساعة 6 ........آآآآآآآآآه يارب ساعدنى !!----- سارة .. سارة..اصحى انتى نايمة على الكنبة ؟!!- ايه ده ايه ده ؟ انت جيت يا عمر امتى ؟ احنا الصبح ولا بالليل ؟ - الساعة 7 بالليل ياسارة ..قومى يا حبيبتى علشان ناكل انا جعان جدا عاوز آكل بسرعة علشان ورايا شغل كتير .....- شعرت بصداع رهيب وأنا أحاول أن أقوم من مكانى ....واتضايقت لما وجدت عمر يسأل عن الأكل ولم يسأل على أنا أو يحيى .......فرددت بعصبية عليه ( طيب اسأل على أنا وابنك قبل ما تسأل عن الأكل يا سيدى !!)- فتفاجأ عمر من رد فعلى العصبى ويبدو انه هو كمان كان مشحون على الآخر: فرد بعصبية (هو احنا مش ح نخلص من الموال ده ياسارة ؟! كل يوم تتهمينى انى مقصر فى حقكم انتى ويحيى ؟! يعنى لى بيت تانى مثلا بأهتم بيه ؟؟ وانتى عارفة قد ايه الشغل الجديد متعب أعمل ايه يعنى ؟)- فرددت بعناد : والله انا مش بأطلب منك تسيب شغلك وتقعد جنبنا ....بس على الأقل حاول تشاركنى ولو نفسيا فى تربية يحيى ..ده انت حتى بتنام فى اودة تانية ...لانا بجد تعبت وحاسة انى عايشة لوحدى - فرد بصراخ : يادى النكد الأزلى ...مش ح نخلص من السيرة دى ياسارة ؟ طيب قولى لى ازاى انام وطل الليل يحيى بيصرخ ؟ يعنى أروح الشغل مش نايم علشان أترفد ونقعد على باب السيدة كلنا ؟ كده ابقى بأشاركك نفسيا ؟!!-فصرخت أنا الأخرى : والله ما أعرفش هو مش ابنى لوحدى حرام انك تسيبنى لوحدى فى كل حاجة كده ............- ففاجأنى برده القاسى : والله انتى اللى سايبانى يا هانم !!.......قبل ما تتهمينى بالتقصير شوفى نفسك الأول !!!
انتى اللى من يوم ما ولدتى مش مهتمة بنفسك و مش شايفة غير يحيى بس وناسية ان ليكى زوج ......وحتى ما بتسألنيش عملت ايه فى الشغل ولا ليكى دعوة بيه خالص ...خلاص اتركنت على الرف من اول طفل امال لما يبقوا تنين تلاتة حتعملى ايه ؟ حترمينى فى الشارع ولا ايه ؟فذهلت من هجومه على وشعرت بانهيار تاااام ......كل هذا المجهود الرهيب وأكون أنا المقصرة ؟؟؟ فعلا لا حدود لأنانية الرجال ........لم أقوى حتى على البكاء ولا الصراخ ..تجمدت الكلمات على لسانى .ونظرت اليه وكأنى لم أره من قبل .......وشعرت بدوار كبير وسمعت صوته وهو ينادينى من مكان بعييييد ......ومادت الأرض بى وووو فقدت الوعى ............

السلام عليكم
شكلهوم حيطلئو
من ورا الاستاز يحيحى
ههههههههههههههههه
عمر لازم يهتم بمراتو وابنو اهم من الشغل
والله حرام
مابدي اتزووووووووج ابداااااااااااااااااااا
كرهوني الزواج
كل يوم على انئارررررررررررررر
هيك الزواج لااااااااااااااا
المهم سلمت يداكي انسه ريماااااا
جومانا كييييييييييييفك

اه المفروض فعلا يهتم
وهى برده المفروض تلف نظره اكتر عشان يهتم بيها

شكرا على القصة يا صديقتى الغالية ريما

ريما معلهش على تاخيرى فى الرد بيس والله كان عندى فرح صاحبتى عقبالك ومكنتش بدخل نت من كام يوم بس ايه التطورات الشديده دى فى حياه عمروسارة على راى ليث شكل يحيى هيكون السبب فى طلاقهم ربنا يستر ريما عمر وساره شخصيتهم ممتازه بس برده هما لما بيضايقوامن بعض بيكونوا صاعبين قوى فاكرة موضوع الشنطه اللى جبنها من غير اذن برده دى هتكو شكلها مشكله جامده قوى مطوليش علينا بقى احنا عايزين نهدى النفوس معلهش طولت عليكم

ميرسى ياليث على الرد ومتخفش مش هتوصل لكده بس ايه ده غيرت رايك فى الجواز من حلقه واحده مش انا قلتلك
منور يا بهاء موضوعى المتواضع بس انا لومن ساره كنت كلته عشان هو كمان مش مقدر تعبها خالص واهم حاجه راحته يعنى فيها ايه لوو دخل لقط رزقه من المطبخ وسابها ترتاح ولا جاب اكل معاه وترجعوا تقولوا الستات بتجيب لجوازها اكياس بلاستك ليه ماعلينا المهم نورت ياهوبه
غندوره حبيبتى عقبالك انتى ياقمر ونورتى ياحبيبتى

اسف مكنش بقالى كتير بدخل على القصة
وقلت اقراها من بعد ما وقفت للجزء الىل فيها
ومن ضمن وانا بقرأ
لقيت الكلام ده

اقتباس:

المشاركة الأصلية كتبت بواسطة الغندورة هااااااااااااااى ازيكم يا جماعه يارب تكونوا فاكرينى انا دخلت قبل كده فى بدايه القصه وقلت رايى ومحدش رد عليا قلت اكملها من غير ردعلشان عجبتنى ولما لقيت ملى رد عليا بس متاخر شويه وعرفت ان الجهاز بتاعها مش شغال قلت لازم اقول رايى تانى واكلمكم واتمنى اكون صاحبتك يا مى انتى وريما وبجد القصه جميله ربنا يوفقكم وتكملوها وياريت كل البنات اللى قلرات القصه تعمل زى ساره والله هيعيشوا فى سعادهوربنا يوفقك الجميع انا عايزاكم تتكلموا على (الحب عن طريق النت صح ولا غلط عايزه رايك فيك ياريما انت او مى وشكرا ليكم )

اقتباس:

المشاركة الأصلية كتبت بواسطة ريما87 ميرسى يا غندوره على الرد وبجد انا اسفه جدا انى مردتش اول مره اكيد مخدتش بالى وبجد ميرسى على ذوقك بالنسبه بقه للموضوع التانى ده محتاج قاعده كبيره بس ممكن الخصلك رايي دلوقتى لغايه منتكلم ان شاء الله تانى واقولك ان اغلب الارتباط من هنا بيبقى مثالى ولما بيتحول للواقع بيبان حقيقته لان فى الاول انتى بتبقى قدام شاشه وكى بورد بتقولى اللى نفسك فيه وبتتكلمى بمثاليه هتيجى يوم وتختفى كل الحاجات دى لما تشوفوا بعض انا مش بتكلم عن الشكل طبعا انا قصدى الطباع طريقه الكلام التفكير كل الحاجات دى مبتبقيش شيفاها فى الاول تانى حاجه ان اغلب الناس مبتبقاش متاكده من الى معاها لا الولد ولا البنت ودايما هتبقى فى دماغك بعدين ومضايقاكى حتى لو ارتبطوا بعديها وعند الولد اكتر يعنى مثلا بعد كده هيقولك متدخليش نت لا مفيش جافا هتنزل طيب هتكلمى مين وهيبقى طول الوقت فيه حاجه حتى لو اتفقتوا انكوا تنسوا الموضوع ده انا مش بقولك انه مستحيل او مفيش حب من النت وساعات بتخيل انه بعد كام سنه هتبقى طريقه الجواز من النت زيها زى جواز الصالونات او جواز الارتباط بس المهم تختارى صح وتبقى صريحه وصادقه من اولها معاه فكل حاجه وهو كمان وان شاء الله ربنا هيديكى عى قد نيتك ميرسى تانى وعلشان خاطرك انا هنزل حلقه لان مي بتهيالى هتقعد فتره علشان الكمبيوتر بتاعها وانا زهقتلكوا وميرسى لكل الى ردوا ونوروا الموضوع بجد انا ومى بجد بنقلوكوا لولاكوا مكناش كملناها وتبعنا فيها لانها بجد بتاخد وقت كبير اوى وشغل لوجو وتقعدى تنقى وحوار بس كله يهون علشان خاطر عيونكوا ياقمر

ميرسى يابهاء على الرد بس اكيد مش بالنيابه عنى لانى قلت كل حاجه وده راي شخصى ليك وليا واكيد فيه ناس مش متفقين لامعاك ولا معايا نورت تانى النهارده