|
|
فقدت كلمة السر اضغط هنا واتبع الخطوات
|
|
|||||||
| قصص عامة يحتوى هذا القسم على جميع القصص التى ليس لها مكان فى اقسام القصص الاخرى |
 |
|
|
أدوات الموضوع | ابحث في الموضوع | انواع عرض الموضوع |
05-05-2004, 08:21 PM
|
#1 |
|
عضو نشيط
تاريخ التسجيل: Mar 2006
المشاركات: 120
معدل تقييم المستوى: 97
|
واحد حجازي يقول لعـيالوه قصة الزيرسالم
هذه قصة حلوة جدا اعجبتني وحبيت انقلها لكم. واحد حجازي يحكّي اولاده قصة الزيرسالم ) اقروا القصة واضحكوا) يااولادي دحين بقلّكم لمن ألتقى الواد جساس بالحونشي داك الي شايف نفسو مرة الي اسمو كليب.. خدو الرواية: كليب كان ماشي في برحة مرة كبيرة ومافي ناس ولا في احد جنبو . والواد جساس بصراحة خلبوص شويه وجبان ..لأنو استغل وجود الحونشي كليب لوحدو.. المهم عمنا كليب ماشي بامان الله وقاعد يشم شوية هوا وبعيد عن رجةالبزورة والبيت ومشاكل عيال عمو وقلق الناس الي عندو... المهم جا الواد جساس وقلّو: انت يا كليب طبعا كليب ادالو اشكل مارد عليه ولا ادالو وجه قال جساس: انت يا كليب رد اشبك انا قاعد اهرجك ياهووه وداك مديه اشكل وربي ولا هو معبرو جساس: شوف ياكليب..انتا كسرة الماصورة حقتنا ولا خليتنا نشرب مويه لا نحنا ولا غنماتنا ولاجملاتنا ... وكل هادا ونحنا ساكتين وقلنا عيب مو مشكلة دا برضو ولد عمنا ومن لحمنا ودمنا... وكبير العيلة لكن انك تفرد عدلاتك( عضلاتك )علي الجمل حقت خالتي (البسبوسة)وتقتلها كمان؟ لا حبيبي دا مو كلام رجاجيل وألّي انتا سويتو غلط في غلط مو عشان سكتنالك تحسبنا خايفين منك..نحنا احترمنا صلة القرابةالي بيننا وقلنا هذا( بو رحم )ومننا و فينا بس انتا بالمرة خبصت أم الشغلة. ومع كل دا الكلام والحونشي عمنا كليب مديلو اشكل بقوة ، ولا كأنو في احد بالمرة. جساس صرخة بصوت عالي مرةانت يا كلــــــــــيب ياخي رد عليّا ايشبك ،اتبكمت والا ايش؟ انا عارف انو ما تطالع وراك الا ازا كان فيه بشكة اقل شي اربعين راجل... كليب طبعا رد وهو لاوي بوزو ، ويعني اٍنو قوي مرة.. وقال:لا يا بويا غلطان ،أنا ما ارد إلا لمن تكون البشكة 50 راجل. ساعتها الواد جساس جسمو تكهرب شويه بس سوى فيها انو ولا همو وداك عمنا طنش وكمّل مشيو مع الحصان حقو المهم الواد جساس طرطع وقفلت معاه وركبو 100 عفريت.. وفي لحظة غضب الواد جساس طلّع الرمح حقو..ورماه علي عمنا كليب وغرزو في ظهرو .. قام يتألم ويتبكبك الحونشي كليب وقعد يصرخ بصوت عالي كأنو بعبع(وحش ) ... الواد جساس قال: ياواد ما يبغالهاالا افركلهاواشرد لا يجي احد دحين والا يجي الزير ويسويلنا قلق محنا فاضيلو دحينا، وهاتك يا فكيك دق سلف بالحصان حقو ونمر لها.. اما عمنا كليب حالتو صارت حاله ، قام يزحف علي بطنو شوية لمن وقف علي رجولو ويمشي والرمح معلق بظهرو ، لمن التقى بواحد بدوي حق غنمات ... لمن شافو البدوي انفجع وقلّو: مو انتا عمّنا كليب ،اشبك كدا؟ ... ايش صار فيك ياعمنا .. رد عمنا كليب على البدوي وقلّو: روقنا ياخي ، مو وقتو ، ما تشوفني مغرق بالدم وانتا لسه تسال؟ .ياخي جيب لي شوية مويه ابغى اشرب ياواد... البدوي صاحبنا جبلو مويه وشرّبو . كليب: اسمع ياواد انا غدر بي الواد جساس واكلني الرمح حقو بظهري من ورى ... والي خلق امك لو انو كان من قدامي كان عرفت اتصرف معاه ... لكن هو رمه وجبان وخيخة وجايني من ورى لكن مو مشكلة انا اعرف اجيب حقي... حتي وانا ميت ورايا رجاجيل ما تترك حقي يابويا. وقال كليب للبدوي: حكتب لك وصية تخليها حلقه بودنك وحكتبها علي الجدار دا بدمي ( لانو ماكان معاه قلم ولاورقةولا حاجة يمكن نسيها في البيت )... ولازم اخوي سالم الداشر يقراها... وبعدين الله يخليك تسوي معايا معروف انك تقتلني بعد ما اغلق من القصيدة ... قبل ما يعفن ظهري وتصيبني الغرغرينة ( سلام وقول من رب رحيم( قلّو البدوي طيب. وبدا ابو الشباب يكتب الوصية: وهي كالاتي: اول بيت يقول: استغفر الله اله العرش لا يعبد سواه ... وتاني بيت يقول: الملك لله رفع السماء وبسط الارض ... وتالت بيت يقول: لاتنسى اليتاما وتخون العهد يادب ... ورابع بيت يقول الله اكبر علي الظالم المفتري الغدار اصحك تسيبو او تسامحو وخامس بيت يقول: جساس خمني وغدربي وطالع على الجرح بظهري وتعرف ... وسادس بيت يقول: الزير اخويا اعرفو قوي وشديد يمرمط العدوين ويشلفطهم شلفطه... وسابع بيت يقول: يا سلومي يا ابو السلالم خليك راجل وبطلك حركات البزورة والبيت الثامين يقول فيه: شوف ياسالم لا تخلي ولا احد منهم لاراجل ولا شيخ ولا عجوزة ولا حريم واقتلهم كل واحد ومرتو حتى البزورة لاتسيبهم المهم فقّع ابوهم كلهم. وتاسع بيت يقول فيه: لا تصالح اي واحد منهم وربي لو تصالح احد حأشتكيك لربي وعاشر بيت يقول فيه: لو ما سمعت كلامي دا ولا سويت الي وصيتك عليه نتقابل عند قاضي القضاة رب السموات والارض. المهم بعد الهرجة هذي صاحبنا البدوي راعي الغنمات كمل علي عمنا كليب حسب طلبو المهم الهرجة دحين وصلت لحارة كليب واهلوا عرفوا بالهرجة كلها وطبعا اخوانوا سووا فيها كيف وما كيف ومن الكلام دا... ونحن نفعل ونحنا نسوي وحقنا مايروح لو علي شواربنا ومن الخراط هادا. المهم راحوا عند بيت عيال عمهم وتقابلوا مع ابوهم يعني قلك يسون مفاوضات... وهادا بدال هادا وما ادري ايش المهم مااتفقوا وقالوا خلينا نشوف الدب الداشر سالم ايش يقول؟. وبعدين صاحبنا سالم كان سكران مع ولد عمو همام (ابو رحم) يعني رحيمو ... تعرفون كانو داشرين حقين شراب وبنات وكباين وشاليهات ومخلينها خل وطرشي المهم ارسلو واحد يقول لهم الهرجة وجا الراجل الي بيقولهم الهرجة ، وكان الدب الداشر(الزير) سكران مقربع مزبوط ومأجر السقف العلوي بالملحق كمان ... وطل همام وعرف الهرجة, وفجأه طلع لهم الدب الداشر وقال:ايشبكم ياهووه ايش الهرجة قاعدين تتوشوشو علي ايش؟ ... احس انو في شي بس ما تبغو تتكلمو ...بنت يا ضباع ايش الهرجة؟ المهم العالم خافت وقامت تنفض من الخوف... سحبو همام وقالو ادخل جو ونتفاهم ... مسكو من صدرو قلّو ياهو ايش الهرجة قلبت راسي وفكفكتها معايه وانت عارف انو مرووقين وشاربين قلّّو همام شوف: لو قتلوا اخوك كليب... ايش تسوي؟ قام ضحك الدب الداشر(الزير (الا شوي كشر بوجهو وقلب قارورة العرق وخلها تقطر شويه شويه...قلّو شايف هدا العرق كيف يقطر؟ طالع همام مستغرب قلّو لا تستغرب ياواد ... لو قتلوا اخويه انا اخلي دم اخوي وكل قطره من دمو براس رجال من قبيلتهم وانتا شوف اخوي قد ايش عندو دم( بكاش الواد هادا الزير) المهم. همام قال:ياهوووووه ما بدها خليني اديلو الهرجة والي يصير يصير: وقلّو الهرجة .... والدب الداشر(الزير) سوا مناحة ديك الليلة وهاتك يابكى وصراخ زي البزوره ..تعرف مع السكار والخبر الي مزفت .. نكب الدنيا ...المهم قاعد يقول اشعار وتهديد وتخاريف ومدري ايش من الكلام دا حق السكرانين..لمن طلع الصبح وصاحبنا نايم علي الدكة وحالتو حاله ... ولد اختو من جد نذل قال لابوه:هيا نقتلو وهو سكران وفكنا من شرو ابوه طرطع قلّو ايشبك انتا مجنون ؟ ياواد عيب دا خالك ... وسدحو بكلمتين وروق الواد. المهم صبح الصبح وكل واحد يبغى يسري عند اهلو عشان يشوفون ايش الهرجة وكيف راح يدور البوكس بينهم( يعني المعركة ) وقبل مايمشون ... سوا فلم هندي الدب الداشر وقرينو همام ... قلك ماراح اقتلك وما ادري ايش وما ابغاك تكون خصمي يا همام ... وقلك همام يقول لا ياهووووه كيف دولا أهلي وبرضو مااعتقد اني بسكت ... ومن الخرابيط هادي. المهم كل واحد سرى عند اهلو...وقالوا بيننا البرحة ونشوف مين يغلب. وباقي القصة يااولادي راح احكيكم هيه لما تنجحوا وتجيبوا الشهادة واقلكم ايش سوا ابو ليلى فيهم :}
|
|
|
|
05-24-2004, 01:02 PM
|
#2 |
|
عضو
تاريخ التسجيل: Mar 2006
المشاركات: 96
معدل تقييم المستوى: 96
|
|
|
|
|
|
05-25-2004, 09:09 AM
|
#3 |
|
عضو نشيط
تاريخ التسجيل: Mar 2006
المشاركات: 103
معدل تقييم المستوى: 97
|
هــــــــلا اخوي المفـــــاوض ..
تسلم ايدينك على هالقصه الي نقلتها لنا بشكل فكاهي ومرح .. بصراحه تقديم حلو .. وماقصرت اخوي .. تحياااااااااااتي اختـــــــــــــك همسات&الصمت
|
|
|
|
|
05-25-2004, 11:52 AM
|
#4 | |
|
عضو نشيط
تاريخ التسجيل: Mar 2006
الدولة: egypt
العمر: 22
المشاركات: 175
معدل تقييم المستوى: 98
|
:) مشكور مفاوض باشا
الله يفكنه من قطعاتك
__________________
|
|
|
|
|
|
| أدوات الموضوع | ابحث في الموضوع |
| انواع عرض الموضوع | |
|
|
 الإعلانات النصية |
|||||
|
|
|
منتديات عامة منتديات ترفيهية منتديات التقنية المنتديات الادارية منتديات التعارف والدردشة منتديات بنات منتديات اغانى مشاهير الغناء العربي منتديات افلام منتديات رياضة منتديات الصحة العامة رمضـــــــــــان كريــــــــــــــم القسم العام اشعار و خواطر فرفشة القنوات الفضائية اسلاميات برامج رياضة منتديات الجوال الجمال والأناقة قصص تعارف و اصدقاء العاب كتابية صور التصميم و الجرافيكس السياسة والقضايا الواقعية القلم الحر الغاز سيارات و درجات نارية قسم المحذوفـــــــــات للمحبين فقط اغانى عربية اغانى اجنبية كليبات طلبات الاغانى والكليبات افلام عربية افلام اجنبية افلام كارتون مسرحيات قسم الشكاوى والاقتراحات مصارعة اخبار الفنانين افلام هندية المواهب الجديدة الغنائية top star اغانى شعبية تامر حسنى عمرو دياب كليبات عربية كليبات اجنبية الكرة المصرية الكرة الاوربية الكرة الأسيوية الكرة الأفريقية رياضة اخرى اعلانات افلام الصحة و الحياة علاج الاعشاب اكلات شهية قسم خـــــــــــــــــــــــاص للمشرفيين فقـــط منتديات حب رقص كلام بنات الرجيم و التخسيس ريمكسات كلمات اغانى قسم طلبات الاشراف قسم المواضيع المتكررة الديكور والأثاث المنزلى السفر والسياحة غرائب , طرائف , جرائم الاسلام السيرة والسنة النبوية الحضارة و تاريخ العرب العاب العنايه بالبشره والاهتمام بالشعر دردشة و اهدائات تجهيز العرائس خدمات اعلانية ثيمات جوال كليبات جوال نغمات جوال برامج الجوال العاب جوال افلام ممنوعة من العرض اخبار الجوال رسائل جوال قسم شروحات كيفية استخدام خواص منتديات حبنا البومات كاملة اغانى فرديه اغانى قديمة اغانى خليجية البومات تامر حسنى اغانى تامر حسنى كليبات تامر حسنى صور تامر حسنى اخبار تامر حسنى البومات عمرو دياب اغانى عمرو دياب كليبات عمرو دياب صور عمرو دياب اخبار عمرو دياب ريمكسات عمرو دياب ريمكسات تامر حسنى قصص حقيقية قصص حب قصص خيالية روايات قصص اسلامية رمضــــــــانيـــــــــــــــــات لانجرى مسلسلات عربية بوسترز شوب صور انيمى وظائف خالية بيع شراء سيارات بيع شراء شقق عقارات بيع شراء مستلزمات الكمبيوتر بيع شراء الاجهزة الكهربائية بيع شراء الجوالات العناية بالبشرة الاهتمام بالشعر كاريكاتير و صور مضحكة صور مشاهير طرائف غرائب جرائم قصص عامة منتدى رجال كلام شباب كلمات تامر حسنى افلام عربية نكت جديدة لغات و ترجمة اللغة الانجليزية طلبات ترجمة النصوص صور و توقيعات اسلامية كلمات عمرو دياب محمد فؤاد البومات محمد فؤاد اغانى محمد فؤاد كليبات محمد فؤاد صور محمد فؤاد اخبار محمد فؤاد ريمكسات محمد فؤاد كلمات محمد فؤاد التدبير المنزلى ملفات من عالم الجاسوسيه اكلات حلويات مشروبات حكم و امثال كلنا معك يارسول الله ازياء الرجال
العرض العادي
