غاليتى العزيزة منمونة
حمدلله على السلامة انت فين وكنتى فين طبعا بتصيفى فى مارينا
او فى شرم ماشى يا سيتى ربنا يهنيك ويسعدك يارب
عموما انا سعيد بان موضوعك عاد تانى للظهور وللمناقشة والحوار ويسعدنى ايضا
ان اكون مما يتحدثون ويشاركون ويتناقشون ويتحاورون فى مواضيع منمونة وكل
مواضيع الاخوة الاعضاء ... الخيمة الرمضانية .... ححكى لك ولللاعضاء عما جرى
لى فى رمضان الماضى وحقول رأى وبعدين نفتح باب المناقشة افقنا ماشى نبتدى
كان عندى مؤتمر واجتماعات فى شهر رمضان العام الماضى وكنت نازل فى احد فنادق
مصر الجديدة ذات السبع نجوم وقضيت حوالى خمس ايام فى رمضان اجتماعات بالنهار
واخر بالمساء تنتهى حوالى الساعة 12 مساء وفى يوم احد الزملاء قال لى ايه ياعنم هو انت من
المؤتمر لحجرتك للمطعم للسرير تعالى نروح الخيمة الرمضانية بالفندق وبالمناسبة هو زميل
ايضا له جذور ريفية مثلى المهم نزلنا وعينك ما تشوف الا النور رقص بجميع انواعه من اللى
قلبك يحبه عناء بجميع انواعه شعبى عاطفى قلة ادب وعدم حياء عرى خمر قفشات نكات اكل
مشروبات متنوعة بكل ما تحلمين شيش بكافة انواع الشيش تفاح عناب خوخ عنب قلقاس بطيخ
الكل يشارك الكل يشرب الكل يرقص الكل يغنى الكل يفعل ما يريد وفى اى مكان يريد ومع اى
حد يريد والجميع تحت مسمى الخيمة الرمضانية فقلت لصديقى الذى كان مفتوح الفم مسبهل
القسمات دى خيمة رمضانية ولا خيبة رمضانية فرد بسرعة عجيبة قائلا قبل كل ده ايه علاقة
رمضان بالموجود ده بذمتك انت صيامك النهاردة بقى منه حاجة ؟؟؟؟
اصدقم القول قلت له والله ولا حتى الفطور اللى لسه وكلينه من حوالى خمس ساعات الكل انتهى
اقوم ياراجل بلا مسخرة بلا قلة ادب وخرجنا مسرعين نجرى نتسحر فى المطعم غير آسفين عما
فاتنا من تلك السهرة الغير محترمة وانتظرنا لصلاة الفجر نستغفر الله عسى ان يغفر لنا ما رأيناه
اليو م مساء فى الخيبة الرمضانية
ولهذا انصحكم احبائى عدم الذهاب اليها ابدا حتى لا تضيعوا صيامكم وقيامكم فى رمضان
اشكرك عزيزتى منمونة على هذا الموضوع المفيد لنا جميعا ومحضر لكم موضوع بس ايه
جامد قوى .... ربنا يسهل وكل عام وانتم بخير بمناسبة حلول شهر رجب اعاده الله عليكم بالخير
وبلغنا شعبان ورمضان من غير خيم رمضانية
تقبلوا كل تحياتى واحترامى
على بابا
07-15-2007, 10:10 PM
]
