حوار 2080 بجد حوار عسل

**مريهان** · 07-05-2008, 01:06 PM

الحفيدة : جدو تامر إزيك .. حلو البدي اللي انت لابسه ده . بس ده
موضة قديمة قوي يا جدو
الجد : يا بنتي أنا راجل دقة قديمة وبالبس زي ما جيلنا اتعود وحسبالتقاليد القديمة بتاعتنا
الحفيدة : أيوه بس مش حاسس إنك مخنوق وانت لابسه؟
الجد : أبداً ده هو ده اللبس المحتشم اللي مفروض الكل يلبسه
ويحافظ عليه .. فين أيام زمان لما كنا نلبس البدي اللي مبين البطن
والظهربس، مع البنطلون السترتش الجلد والجوانتي الجلد... كانت حاجةآخر روشنة
الحفيدة : ياه يا جدو .. ده انتوا كان ليكم تقاليد غريبة خالص
الجد : وهو انتي فاكرة إن أيامكم دي أيام؟ يا بنتي أيامكو دي ما
يعلم بيها إلا ربنا .. فين أيام سنة 2002م ، هو الواحد فينا كان
يستجري يشرب سيجارة البانجو ولا يسحب له سطر بودرة قدام أبوه؟ طب ده
الدنيا كانت تتقلب ساعتها وما تتعدلش .. أمال إيه .. كان فيه حاجةاسمها أخلاق
الحفيدة : معقول يا جدو؟ للدرجة دي؟؟
الجد : أمال انتي فاكرة إيه .. وبعدين كانت الست من دول ما تلبسش
اللبس الخليع بتاع اليومين دول .. يعني الجيبة كان لا يقل طولها عن
شبر ونص .. وكانوا الستات يلبسوا فوقيها بلوزة باستمرار ..مش زي دلوقتي
الحفيدة : يا خبر .. وإيه كمان ياجدو
الجد: ح أقول لك إيه ولا إيه .. يعني خدي عندك مثلاً .. زمان كنا
نسمع الطرب الأصيل لمطربين حقيقيين زي مصطفى قمر ، وعمرو دياب ،
وكانت الأغنية مدتها أكثر من دقيقتين متواصلين من الطرب الأصيل
والسريعة الروشة اللي تعمر النافوخ بصحيح كانوا مطربين روشين طحن
وكله كوم والست كوم تاني
الحفيدة: ومين الست دي يا جدو
الجد: في حد مايعرفش الست...نانسي عجرم طبعا
الحفيدة : وبعدين
الجد : وبعدين كنا نسمع على حاجة اسمها اسطوانات ليزر ، ودي صحيحانقرضت ، بس
كان ليها طعم عن دلوقتي ، يا سلام لما كنا نحطها في الووكمان ونعلقه
في حزام البنطلون ونمشي في الشارع كده ،، كانت أيام جميلة
الحفيدة : حكاويك ممتعة قوي يا جدو .. ثانية واحدة بس لما أصحي
سوسو صاحبي
لأنه بايت معايا في الأودة من امبارح ..

بعد عدة دقائق) هيه يا جدو .. وبعدين
الجد : أحلى أيام بقى كانت أيام الدراسة ، الفصل كان على أيامنا
رايق وعدد التلاميذ فيه ما يزيدش عن ستين سبعين تلميذ ، وكنا ساعتها
بنعرف نفهم الدرس كويس مش زي دلوقتي ، وكانت الشوارع أيامها فاضية
لأن مصر كلها كان تعدادها 70 مليون مش أكثر ، تخيلي بقى الروقان
اللي كنا فيه؟
الحفيدة : 70 مليون بس؟
الجد : أمال إيه .. علشان كده كانت كل حاجة رخيصة ، يعني مثلاً
كيلو اللحمة يوم ما يضربه الدم كان يبقى بخمسة وعشرين جنيه أو بخمسة
وتلاتين جنيه ، وكان أتخن جوز جزمة بمتين وخمسين جنيه ، وكان الواحد
يقدر يشتري شقة تمليك بـ 350 الف جنيه بس .. وكان الدولار بستة جنيه
بس تخيلي بقى؟
الحفيدة : ما هو علشان كده كان الجواز على أيامكم كان سهل خالص
الجد : أمال .. ده احنا الواحد مننا كان بمجرد ما يوصل سن 35 سنة
يبتدي يفكر في الجواز على طول ، وما كانش عندنا الأفكار الغريبة
اللي بتعملوها دلوقتي زي إن البنت تعد مع الولد كام سنه قبل الجواز
علشان يتعرفوا على بعض أكثر زيك انتي وسوسو صاحبك ، أنا شخصياً شايف
إن ده وضع مش لطيف ، ده احنا يا بنتي على أيامنا كان لا يمكن البنت
تتأخر بره البيت عن الساعة أربعة صباحاً ، طب ده باباها كان ممكنساعتها يخاصمها
الحفيدة : ده انتوا كنتوا ملتزمتين خالص ياجدو!!
الجد : يا بنتي إحنا اتربينا على الأخلاق والفضيلة والعادات
والتقاليد .. يعني كان الواحد مننا زمان لما يدخل الأسانسير ويلاقي
جاره في الأسانسير ممكن يفكر يصبح عليه ، ومش بعيد كان يسأله عن
أحواله ... وكانوا أهل الفن محتشمين جداً وكانوا دايماً يطلعوا
بالمايوهات البيكيني ، والمذيعات كانوا يقعدوا جنب الضيف مش على
ركبته زي دلوقتي... هيـ يـ يـ يـ ـه الله يرحم دي أيام
الحفيدة : رايح فين يا جدو
الجد : أصلي كنت موصي الجزار على اتنين كيلو لحمة وأديته ثلاثة
آلاف جنيه عربون وعايز أروح أطمن إذا كانت اللحمة وصلت ولا لأ ..
تشاو .. سي يو

مع حبي .........................ميما

**العندليب1** · 07-05-2008, 06:52 PM

حللللللللللللللللللللللوه
كلها كوم
ويوم يقول الجد
سي يو
تسلمي مريهان على الموضوع الرائع
تحياتي ليك

**مريهان** · 07-05-2008, 07:01 PM

مرسي يا عسل على زوقك

**امير الحب.** · 07-05-2008, 07:12 PM

موضووع روووووعة

**وردةعلى** · 07-05-2008, 07:39 PM

ههههههههههههه
فعلا حوار عسل
مشكوووووووره
سى يو

**مريهان** · 07-05-2008, 08:04 PM

ايه يا عم الاسم الجامد دة امير الحب بقى وحركات هههههههه مرسي على مرورك

**مريهان** · 07-05-2008, 08:05 PM

دة انت الي عسل يا ورد

**عازف الجيتار المصرى** · 07-05-2008, 08:09 PM

ههههههههههههه موضوع جميل اوى اوى

ههههههههههههه
ههههههههههههههه

بقولك انا عوزك يا مريهان

انا عازف اقبلى الرساله بتعتى
اوك

تحياتى خالد

**عازف الجيتار المصرى** · 07-05-2008, 08:10 PM

لو مكنش كده يا مريهان ابعتيلى اميلك فى رساله

**مريهان** · 07-05-2008, 08:19 PM

اوك يا عسل

07-05-2008, 08:09 PM	#8
عازف الجيتار المصرى صديق منتديات حبنا تاريخ التسجيل: Jun 2008 العمر: 21 المشاركات: 568 معدل تقييم المستوى: 0	رد: حوار 2080 بجد حوار عسل ههههههههههههه موضوع جميل اوى اوى ههههههههههههه ههههههههههههههه بقولك انا عوزك يا مريهان انا عازف اقبلى الرساله بتعتى اوك تحياتى خالد

07-05-2008, 08:10 PM	#9
عازف الجيتار المصرى صديق منتديات حبنا تاريخ التسجيل: Jun 2008 العمر: 21 المشاركات: 568 معدل تقييم المستوى: 0	رد: حوار 2080 بجد حوار عسل لو مكنش كده يا مريهان ابعتيلى اميلك فى رساله

أدوات الموضوع	ابحث في الموضوع
مشاهدة صفحة طباعة الموضوع أرسل هذا الموضوع إلى صديق	ابحث في الموضوع: بحث متقدم
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	المشاركة الاخيرة
حوار بين قلبين	الحب الاعمى	كلام بنات	2	07-09-2008 05:29 PM
حوار بين شاب و فتاة .. !	muhammad.do	القسم العام	5	07-05-2008 09:31 AM
حوار شيق ...	funny baby	القسم العام	18	06-01-2008 07:30 PM
حوار مع القلب.......	mnmona2007	الاسلام	5	04-24-2007 01:54 PM
حوار مع الشيطان	Mr_Mano	الاسلام	1	07-23-2004 05:14 AM

الإعلانات النصية
شات	العاب	دردشة	صور	بنات	رسائل الجوال
العاب بنات	العاب اطفال	العاب ذكاء	العاب اكشن	منتديات	top site
اغاني	دردشة مصرية	دردشة سعودية	اغانى	تحويل عملات	منتديات بنات

حوار 2080 بجد حوار عسل

القسم العام