قصة يقشعر لها البدن......

ammour

[frame="4 75"]

بسم الله الرحمن الرحيم السلام عليكم ورحمة الله وبركاته إليكم هذة القصة الغريبة التى يقشعر لها البدن القصة تقول ان في بنت تدرس في الثانوية اسمها (سمر) في يوم كانت خارجة رايحة مشوار إلى مكان ما وبعدين قابلت ولد واتعرفوا على بعض المهم اخدت الرقم واتصلت بيه وعرفت ان اسمه (خالد) وزادت العلاقة وقوت بينهم جدا ...قصة حب وكانوا عايزين يقابلو بعض بس مش لاقيين طريقة وبعد كده جت فكرة لخالد فقال لسمر خلاص احنا هنتقابل عند المدرسة بتاعتك قالت سمر : إزاى يعنى مش فاهمة قالها:اسمعى انتى باباكى كل يوم بينزل يوصلك للمدرسة وبعدين يروح الشغل صح قالت: ايوة صح قالها :خلاص بعد اما باباكى يوصلك ويمشى انا هعدى عليكى من قدام المدرسة اخدك وتركبي معايا قالت : بس المديرة هتتصل علي البيت لما تعرف انى ماروحتش المدرسة قال: ابقي افصلى سلك التليفون وريحى دماغك قالتله : بس انا خايفة اوى قالها : هتخافى من ايه بس تعالى وجربى المهم راح ابو سمر ووصل بنته للمدرسة عادى زى كل يوم ومشي ثوانى ولقت خالد واقف و ركبت سمر معاه بسرعة راحوا علي الكوفى شوب فطروا وقعدوا يحكوا مع بعض شوية لحد ما ميعاد رجوعها من المدرسة جه فقامت و وصلها خالد ورجعت البيت وهيا خايفة اوى بس ماحدش عرف حاجة عن اللى حصل اتصلت بسرعة بخالد وقالتله ان اهلها ماعرفوش حاجة عن الموضوع ده وطمنته وقعدوا يتكلموا مع بعض شوية وبعدين خالد قالها ايه رأيك اقابلك بكرة قالتلة لالالا مش كل مرة تسلم الجرة قالها تعالى بس دا انا المرة دى جايبلك هدية قالتله خلاص تعالى كده وشوف الوضع امان والا ايه وجه خالد وركبت معاه زى كل مرة المهم اخدوا علي الحال ده اسبوع من السبت للخميس... وجه يوم السبت اللى نست فيه سمر تشيل سلك التليفون وطلعت مع خالد وفجأة.. تليفون البيت رن قامت ام سمر مفزوعة من النوم ( خير اللهم اجعله خير ) ام سمر : الو المديرة: الو صباح الخير ام سمر : صباح النور مين معايا المديرة : انا الاستاذة هدى مديرة المدرسة اللى بتدرس فيها بنتك سمر ام سمر : خير ان شاء الله المديرة : خير بإذن الله بس سمر بقالها إسبوع ماجيتش المدرسة خير هي مريضة ام سمر : ... (وتوهت علي الموضوع).. ايوة هيا سمر تعبانة بس شوية وخفت الحمد لله المديرة : ألف سلامة عليها انا بس حبيت اطمن عليها .. مع السلامة ام سمر الدنيا دارت بيها ومبقتش عارفة تعمل ايه المهم قالت كل حاجة لأبو سمر وهو قالها متعرفيهاش باللى حصل وانا هارقيبها اشوفها بتروح فين ويوم الأحد وصل ابو سمر البنت للمدرسة وبعدين جه اخدها خالد وفي اليوم ده كانت راحة هيا وخالد شقة المهم مشى ابوها وراها لحد اما عرف هيا راحة فين وراح وراها لحد الشقة وهو طالع للشقة كان خالد نازل يجيب حاجات وجاى وابو سمر ماخدتش باله المهم رن جرس الباب فتحت سمر الباب وانصدمت اول ماشافت باباها ابوها اول ماشافها قعد يضربها وبعدين هيا جرت منه وراحت المطبخ ومسكت السكينة بتهدد بيها ابوها وغصب عنها طعنت ابوها بالسكينة في صدره وقع الاب علي الارض مغمى عليه وجه خالد وشاف الموقف وقال لسمر شيليه معايا بسرعة للحمام وحطوه في ((البانيو)) وملوه ماية وحطوا عليه مسحوق للغسيل( برسيل )علي قد تفكيرهم وبعدين الولد ده ربنا يسامحه قالها احسن حاجه ان احنا نقطعه حتت ونرميه وطبعا البنت عنيها مقفوله ومش شايفه حاجه غير حبيب القلب سمعت الكلام وراحو مقطعينه حتت وقعدوا يفكروا هايعملو ايه هايعملوا ايه راحو حطينه في الغساله وحطين عليه بطاس علشان يختفي ويدوب وحطه كمان كسين برسيل علشان مايبنش حاجه ولا دم ولا اي حاجه في الغساله ورجعت البنت للمدرسة وهيا تفكر في اللى حصل ده حقيقة والا خيال... المهم طلعت من المدرسة ورجعت مع الباص بتاع المدرسة للبيت وهيا بتخبط علي باب البيت لقت المفجأة الغريبة ابوها فتح لها.... فصـــــرخت وقاااالت : بابا مش معقول رد ابوها : قالها مع برسيل مافيش مستحيل هههههههههههههههههههههههههههههه هههه هههههههههههههههههههههههههههههه هههه

[/frae]

 

 

 

فتفوتة سكر

تسلم ايدك

 

 

 

ليه الحب

ههههههههههههههه
مرسي على القصة
او بالاصح مرسي على المقلب

 

 

 

__________________
ليه الحب ؟
سؤال جوانا بيتعبنا ... احيانا مغلبنا ... كتير معذبنا
ليه الحب ؟
ليه نتعب و نتألم .... وللجرح بنسلم ؟؟؟
جوه الحب نتوه .... ومن عذابه ندوق
وفى الآخر راضيين بالنصيب
يبقى ليه الحب .... ليه نسلم للجرح
دموعنا على خدنا قتلتنا .... و جوه هموممنا رمينا ....
يبقى ليه الحب ؟؟
هو عذاب وغلب .....
نفسى فى أجابة عن السؤال
وكلمة بمعنى يريح البال
ليــــــــــــــــــــــــــــ ـه الحـــــــــــب ؟

السنيوره

تسلم ههههههه

مشكووره

 

 

 

__________________

aymal_4ever

معلش يا عمور الموضوع مكرر ينقل لقسم المواضيع المكرره

 

 

 

__________________