اهميه عضله العين في تثيبيت البنات هههه

**let me go** · 08-24-2008, 11:47 AM

أنا عايزة أكلمكم انهاردة على فن لازم يبقى عند معظم الشباب

( إزاي تثبت بنت )

في مؤتمر في سويسرا لبحث كيفية تثبيت البنات تقدمت ببحث في تأثير حركة العين الشمال عند الولد على عملية التثبيت و توصلنا في البحث إن البنت أول حاجة بتلاحظها في الولد حركة النني و عدد شعرات الرمش لذلك لابد أن تحرص على تدريب عضلة النني من أربع إلى خمس ساعات يومياً مع إتباع نظام غذائي محدد علشان تعرف تثبت ..

الولاد

(مش عايز أتوهكم و أدخل في مسائل علمية لإني عارفكم جهلة ولذلك هشرحلكم بالبلدي)

يعني أول ما تشوف البت تروح يا معلم مشغل العضلة الشمال للنني و تغمز غمزة 2 قدم و نص بزاوية ألفا 27 درجة و تروح قايلّها (لوسمحتي ممكن دقيقتين من وقتك؟) أول ما تسألها السؤال ده

-:اللي هيحصل كالأتي

الإحتمال الأول انها تقول ( نعم ) و ده بنسبة 65% و هيترتب عليه اللي هنقوله بعدين ....

الإحتمال الثاني انها طبعا تقول ( لا ) و ده بنسبة 80 % و محدش يسألنتي إزاي و هيترتب عليه اللي هنقوله بعدين برضه... و في طبعاً آخر إحتمال بنسبة 100% إن هي هتبصلك بقرف و مدام بصتلك بقرف يبقى انت مفهمتش موضوع العضلة...

-:ونرجع للإحتمال الأول

انها تقول ( نعم ) ترد انت تقول (نعم الله عليكي) هتقولك (خير) قولها (خير ان شاء الله) و تشغل العضلة بس اتوصى و إتّك عليها شوية هتقولك (مال عينك ؟) قولها (خناقة) و بكده تصعب عليها تروح هيا مكلماك و تظبط يا معلم وهتعيش بس ابقى عرفني على بنت خالتها ......

الإحتمال الثاني انها تقول ( لا ) في الحالة دي بقى عايزة تتكلم بس هي بتتقل و مدام تقلت يبقى خرشمت و موضوع العضلة صعب في الحالة دي ، إذن مفيش غير موضوع أنا كنت عرضته في مؤتمر تاني في السنغال الشرقية لأن الطريقة دي أثبتت فعالية في تثبيت البنات السود و اللي بيتقلوا اللي هي (طريقة 325 جنايات) تقولها بستهزاء و انت بتبتسم إبتسامة ساخرة ( ايه التقل ده انتي حاطة في جيوبك ظلط ؟ ) طبعاً هي ممكن يغما عليها من دمك الخفيف يا خفيف ، فا هتروح انت مدي ميزد كول للإسعاف بالموبيل بتاعك ، هما طبعاً مش هيفهموا حاجة من الميزد ده لكن هي هتفوق و تروح مرمية في حضنك بمجرد انها شافت الموبيل معاك ويسلام لو بكاميرا

و بكده انت بدأت تحط رجلك على طريق التثبيت بس اغسلها الأول وبلاش تحط رجلك و هي معفنة و خطي برجلك اليمين وابقى قابلني لو إتعرفت على أي بنت.

عموماً ، أنا بكتب في مواضيع كتير عن التثبيت لأنها دي در اسة الدكتوراة بتاعتي و في مقالات هتنزل في المستقبل القريب منها (التثبيت بالعربية) و (ثبت نفسك بنفسك) و (ثبت صنم) و (شكل توكت الحزام و تأثيره على البنت)....ترقبوا قريباً كل جديد في عالم التكنولوجيا خلي بالكم في باب رائع بعنوان (التثبيت بالموبيل) حالياً بالاسواق على سي دي وكاسيت ههههه

**the designer** · 08-24-2008, 06:29 PM

ههههههههههههههههههههههه

ايه يا ديروووو الشغل الجامد ده بجد تسلم ايديكي

انتي الايام دي واقفة جنبنا اوووووووووووي وان شاء الله ننفذ نصايحك

وعلي فكرة انا خلاص بدأت في التدريب بتاع العين الشمال من دلوقتي ههههههههههه

مشكورة علي تعبك ومجهودك وفي انتظار كل جديد ومميز

و 1000000000 مبروووووووووك علي الاشراااااف.

**let me go** · 08-24-2008, 06:54 PM

هههههههههههههه والله اسعدني مرورك انا واقفه جمبكم بس علشان الهدنه اللي عملنها مش اكتر
بس بقي بجمله النصيحه لو موضوه تدريب العين الشمال فشا ممكن تجرب اليمين ممكن تمشي في الايام الي احنا فيها دي اصل الدراسات دي قديمه شويه دلوقتي العين اليمين بتمشي كمان ههههههههههه

مرســــــــــي يا ديزينر و عقبال التميز لنا كلنا ان شاء الله

**let me go** · 08-27-2008, 07:28 PM

كدا خلاص كنت غلطانه لما وقفت معاكم رجعنا الحرب تاني كما كنت

**ليه الحب** · 08-28-2008, 02:21 AM

ايوة كدة قال هدنة قال

**let me go** · 08-29-2008, 03:20 AM

هههههههههههه خلاص هدنه دي كانت زمااااااااااااااان

أدوات الموضوع	ابحث في الموضوع
مشاهدة صفحة طباعة الموضوع أرسل هذا الموضوع إلى صديق	ابحث في الموضوع: بحث متقدم
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	المشاركة الاخيرة
طرق تعذيب البنات حسب جنسياتهم وروهم العين الحمرة ههههه0؟؟	ريروو	كلام شباب	21	09-08-2008 11:20 AM
اهميه الرجل في حياتنا من غيره نموت	mai	كلام بنات	14	01-16-2008 02:36 PM
فزورة حتبين اد اية قمة الحب للا بتحبية اوبيحبك ( nana )	nana_2007	للمحبين فقط	4	06-22-2007 11:23 AM
بتحبية واهلة قالو لا تعملى اية	noga_2007	كلام بنات	10	06-14-2007 05:52 PM
اهميه البروتينات فى جسم الانسان ويارب حد ريد	محمدالسيد	الصحة و الحياة	6	02-17-2007 02:03 AM

الإعلانات النصية
شات	العاب	دردشة	صور	بنات	رسائل الجوال
العاب بنات	العاب اطفال	العاب ذكاء	العاب اكشن	منتديات	top site
اغاني	دردشة مصرية	دردشة سعودية	اغانى	تحويل عملات	منتديات بنات

اهميه عضله العين في تثيبيت البنات هههه

فرفشة