حب ايه انت جاى تقول عليه ؟! منقول

**روزي** · 08-23-2008, 05:11 PM

حب ايه اللي انت جاي تقول عليه ؟؟ ...إنت عارف أبله معنى الحب ايه ؟؟

حتة (ملحوظة رفيعة) قبل ما تبدأ : الكلام الجاي ده موجه للجنسين .. رغم إنه مكتوب بصيغة الخطاب للمذكر

..

خلاص ؟؟ نبدأ بقى ...

كتير من الناس .. خصوصا الشباب –شباب بقى ما إحنا كنا شباب

– بياخذ على دماغه كتير

من تحت راس حاجة اسمها ... الحب

!!

اللي حب واحدة و سابته –و راحت تجيب أومو

– و اللي حب واحدة و بعتته على الـ recycle bin

أو نفضت له خالص و ادتله : shift+delete

و الحال نفسهه مع الشابات طبعا –عاملة ايه يا شابة

–

المهم إن كلهم في الآخر بياخدوا (البمبة) التمام

, و بيجيلهم ( إحباط في المطاط )

و يتنيلوا على عينهم يكتئبوا و يبكوا على الأطلال

.. و يسيبوا الأعداء من (قبيلة أوروبا و القبائل المتقدمة) يجمعوا الغنائم

و يتقدموا و يتطوروا ... و احنا قاعدين نعيط !!!

يبقى اسمه حب ده يا مرسي ؟؟

بص يابني ... انت فعلا شكلك مش عارف معنى الحب ايه ..!!

بص .. بصيت و لا لسه باصص من المرة اللي فاتت

؟؟

احنا هنتكلم الأول على (اللي مش حب) و بعد كده نتكلم عن (الحب) ... و بضدها تتميز الأشياء

.

آه .. طبعا إحنا هنفرض حسن النية

.. و إنك مش بتشتغل (بنت الناس) دي

, و لا بتاكل بعقلها (جبنة رومي)

و طبعا هي كمان .. يعني ما فيش ولا واحد منكم (بيشتغل) التاني ... الشيطان بس هو اللي بيشتغلكم انتم الاتنين

.. و بياكل بعقلكم (سكالوب بانيه) –والله ماعرف هو ايه

.. كل اللي أعرفه إنه حاجة بتتاكل – خلاص ؟؟ و مش عاوزك تقفل مني و لا تزعل

من أولها ... ماشي ؟؟

بسم الله ...

فيه واحد (قبلية أوروبا) –اللي كانت بتلم الغنائم في أول الكلام

- اسمه الفيلسوف البريطاني هربرت سبنسر حلل عاطفة الحب إلى عدة عناصر .. هي : (الشعور بالجمال.. الانجذاب.. الدافع الغريزي.. الاعجاب والاستحسان.. التقارب النفسي والألفة والصفاء والمودة)

فالعملية بتبدأ بـ... بالكلام الكتير اللي قال عليه ده

.. و المفروض تنتهي بالجواز

–طالما فيها الغريزة , و دي المفروض إنها النهاية الطبيعية -

يعني بدايتها إعجاب و تعلّق .. و التعلق ده هو اللي احنا بنقف عنده هنا ... و نقول عليه حب

, و اللي كانوا أيام زمان بيقولوا عليه (عشق الصور)

أول حاجة .. الإعجاب :

لما تشوف

, أو تتكلم , أو تقرأ

لواحدة و يعجبك شكلها

أو طريقة كلامها أو كتاباتها المنفتحة

أو القريبة من شخصيتك أو أي حاجة تانية ..

طيب ما الإعجاب ده عادي !!

و ممكن يحصل بينك و بين ولد زيك أو بنت و بنت تانية أو انت و أستاذك , أو بين كبير أو صغير أو تخين أو رفيع

أو ... أو بين أي حد ..

زي ما يكون واحد زميلك شخصيته عاجباك و بيقدر يتحكم في نفسه فانت طبيعي تُعجب بشخصيته – و ليس به كشخص

- , أو المدرس أو المحاضر بتاعك راجل محترم مثلا و علمه غزير و (آينشتاين زمانه) فطبيعي إنك تُعجب بعلمه – و ليس بشخصه برضه- , طيب إشمعنى يعني البنات أو الجنس الآخر هو اللي الإعجاب بيه بيبقى خطر

؟؟

ما أنا سأُعجب بحاجة في شخصيتها برضه زي واحد زميلي أو أستاذي

..

ايه بقى اللي يخليك تفكر إن الإعجاب

سيتعدى إلى الإعجاب (بشخصها) و الموضوع (يفتح مني) و ما يبقاش عادي

؟؟

أقول لك يا سيدي .. ده لأن الشيطان لازم (يسيب بصمته) –ما هو مش أقل من أسمنت أسيوط

-

و الدليل على كلامي حديث رسول الله –صلى الله عليه و سلم- : "إن المرأة عورة, فإذا خرجت استشرفها الشيطان, وأقرب ما تكون من وجه ربها وهي في قعر بيتها ."

رواه الترمذي في سننه, وابن حبان وابن خزيمة في صحيحيهما عن عبد الله بن مسعود .

ومعنى استشرفها الشيطان كما في تحفة الأحوذي شرح سنن الترمذي : أي زينها في نظر الرجال ، وقيل : أي نظر إليها ليغويها ويغوي بها . والأصل في الاستشراف : رفع البصر للنظر إلى الشيء وبسط الكف فوق الحاجب. والمعنى أن المرأة يستقبح بروزها وظهورها ، فإذا خرجت أمعن النظر إليها ليغويها بغيرها ، ويغوي غيرها بها ، ليوقعهما أو أحدهما في الفتنة ، أو يريد بالشيطان : شيطان الإنس من أهل الفسق ، سماه به على التشبه . اهـ .

يعني أي (محسوسيات

) منك تجاهها هتكون (متحبشة بالصوص الشيطاني

)

فلما الشيطان يقوم بدوره .. العملية بتنتقل للمرحلة التالية

... ألا و هي (التعلق) أو (عشق الصور) ... و دي حاجة سهلة خالص .. مش عاوزة شيطان كمان

.. و أقول لك ليه ..

منقووووووووووووووووووول

**السنيوره** · 08-24-2008, 05:09 PM

مشكوووره موضوع تحفه

**روزي** · 08-24-2008, 05:36 PM

منورانيييييييييييييييييييي يا قمر موووووووووووووووووووووووت وربنا ميحرمنيش من نورك دة يا جمييييييييييييييييل

**the designer** · 08-24-2008, 06:34 PM

ههههههههههههههه

والله يا روزي بجد موضوع جامد قدرتي توصلي بيه كل اللي انتي عيزاه بجد

من خلال الكوميديا اللي فيه وكمان ما يحمله من مواعظ واحاديث ونصايح لينا كلنا ..

ولا اايه بقي يا مرسي ههههههههه

تسلم ايديكي علي الموضوووووووع وفي انتظار كل جديد ومميز

وتقبلي مروري ...

**روزي** · 08-25-2008, 06:15 AM

منورني يا ديزينر والله على طول ههههههههههههههه طب كويس الحمدلله اني فكرتي وصلت بس على فكرة هي مش فكرتي هو منقول مرسيييييييييييييييي يا قمر على المرور

**dodo sasa** · 10-11-2008, 09:32 PM

حلو اوى الموضوع شكرا

[IMG]

[/IMG]

**اميرة الكون** · 10-15-2008, 04:20 PM

موضوع رائع تسلم ايدك

شـكــ وبارك الله فيك ـــرا لك ... لك مني أجمل تحية ... تقبل مرورى

**Asian_Model** · 10-15-2008, 10:09 PM

آخرة الحب كله بياخد علي دماغه

**juliet** · 10-15-2008, 10:15 PM

هههههههههههههههههههههههههه
لية يارووووووووووووووزى التوبيكاااااااات الجامدة دى والله فعلا قدرتى توصلى المعلوووومة بشكل خفيييييف
عشان عقل الشباب الخفيييييييف هههههههههههههههه
منشنكررررررررررين ع التوبيك يا عسل

**بنت النيل** · 10-16-2008, 12:20 PM

هههههههه
ميرسى ياروزى موضوع جميل بس مدام اتجوزوا خلاص بيتهيالى بيبحبوا بعض اكتر
لان اللى بينهم بيبقى اكتر مايمكن وصفه

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	المشاركة الاخيرة
بكل بساطة الموضوع منقول	xprooo700	السياسة والقضايا الواقعية	7	11-07-2008 10:58 PM
بكل بساطة الموضوع منقول	xprooo700	السياسة والقضايا الواقعية	1	08-30-2008 09:29 AM
منقول........لمن لا يعرف المراه	KING_OF_LOVE	كلام بنات	2	07-16-2008 07:27 AM
أصبح الحلم سجانا ! منقول	روزي	القلم الحر	9	07-15-2008 01:17 PM
منقول: صور لخريف سويسرا	ولد قمر راكب همر	السفر والسياحة	4	05-26-2008 06:54 PM

الإعلانات النصية
شات	العاب	دردشة	صور	بنات	رسائل الجوال
العاب بنات	العاب اطفال	العاب ذكاء	العاب اكشن	منتديات	stop4host
اغاني	دردشة مصرية	دردشة سعودية	اغانى	تحويل عملات	منتديات بنات

حب ايه انت جاى تقول عليه ؟! منقول

القلم الحر