رجل عجوز يرسل ايميل لست عجوز بالخطأ .....

اثنين متجوزين من عشرين سنة
قرروا انهم يصيفوا على البحر في نفس الفندق اللي قضوا فيه شهر العسل زمان
لكن الزوجة كانت مشغولة شويه فأتفقت مع جوزها انه يسافر وهي تلحقه بعد يومين
وصل الزوج الفندق ودخل الغرفة
لقى فيها كمبيوتر وموصول بالنت فقرر انه يبعث ايميل لمراته يطمنها عليه
بعد ماكتب الرسالة وهو بيكتب عنوان البريد الالكتروني لمراته غلط في حرف من الحروف
طبيعي ان الرسالة راحت لشخص ثاني
تصادف ان الشخص ده هي ارملة لسه راجعه من مراسم دفن جوزها اللي مات في نفس اليوم
الارملة دي فتحت الكمبيوتر عندها عشان تشوف ايميلات التعازي اللي وصلت ليها
فجأة وقعت على الارض واغمي عليها في اللحظة اللي دخل فيها ابنها
وحاول انه يسعفها بكل طريقة لكن من غير فايدة
الابن ده شاف الكمبيوتر الخاص بأمه ولقى الرسالة دي

زوجتي العزيزة ... وصلت بخير ويمكن هتتفاجأي لما تعرفي اخباري عن طريق النت
عشان هنا بقى فيه كمبيوتر والواحد يقدر يبعث اخباره لأهله يوم بيوم
انا وصلت من ساعة بس واتأكدت انهم جهزوا المكان وكل حاجة
ومش فاضل غير وصولك عندي هنا بعد يومين
وحشتيني كثير ونفسي اشوفك واتمنالك رحلة سريعة زي رحلتي
ملاحظة ... مش ضروري تجيبي ملابس كثيرة هنا معاكي
لان الدنيا حر جدا
هههههههه ( الارملة افتكرتها جهنم )