| |
فقدت كلمة السر اضغط هنا واتبع الخطوات
|
| |||||||
| القسم العام للنقاش في جميع المجالات العامه والمواضيع التي لا تندرج تحت أي قسم من الاقسام |
 |
| | LinkBack | أدوات الموضوع | انواع عرض الموضوع |
 02-26-2008, 05:41 PM | #1 | |
| صديق منتديات حبنا تاريخ التسجيل: Apr 2007 الدولة: iraq العمر: 29 المشاركات: 1,534 معدل تقييم المستوى: 100  |  هل لديك الجرأة لتعترف بأسوأ طباعك ؟ فكرة خطرت في بالي .... عجبتني وحبيت اطرحها هنا ونتناقش فيها وبصراحة مش عارفة ان كان الموضوع مكرر ولا جديد وعلى العموم لو كان موجود قبل كده فأنا اسفة ولو كان جديد بقول الحمد لله ومنتظرة مشاركتكم معايه فيه .... كلنا نحب نمدح بنفسنا لما نتكلم سواء كان ده بشكل مباشر او غير مباشر ... يعني مثلا الواحد يقول انا طيب ... حنين ... متسامح .... بحب الخير ...الخ وغيرها كثير من الصفات اللي كل واحد بيتمنى انها تكون فيه ... او بيقول الناس شايفاني طيب ... الناس بيقولوا اني محبوب .... او بيقولوا ان شخصيتي جميلة .... رغم اني شايفه بصراحة انها حاجة مش مستحبة يعني انه الواحد بيمدح في نفسه اكثر من اللازم حتى لو كان اللي بيقوله حقيقي . ونرجع لفكرتنا ونقول اننا بنلاحظ انه فيه ناس كثير حتى لما بتتكلم عن عيوبها بتحس انها رجعت ثاني تمدح في نفسها يعني مثلا انه يقولك انا اسوأ طبع فيا اني طيب اكثر من اللازم او اني بسامح كثير او بحسن الظن في الناس لانه بيشوفها عيب من وجهة نظره . عشان كده انا حبيت اعرف مين عنده الجرأة انه يقول عن اسوأ طبع فيه ويكون فعلا الطبع ده حاجة وحشة ونفسه يتخلص منها ومين عارف يمكن دي هتكون فرصة ان احنا نعرف عيوبنا ونحاول نحسنها شويه او نتخلص منها نهائي . يارب الفكرة تعجبكم وتشاركوا فيها
__________________   | |
 |  |
| 02-26-2008, 06:07 PM | #2 |
| صديق منتديات حبنا تاريخ التسجيل: Jan 2008 العمر: 21 المشاركات: 593 معدل تقييم المستوى: 54
| فكره تجنن يا فله وعارفه احلى حاجه فيها انك جبتيها على بلاطه يعنى فعلا دايما لما حد يسال حد يقوله انا عيبى انى بنسى بسرعه وانى طيب بس فعلا محدش بيقول عيب حقيقى يمكن لان فينا عيب اننا بنكابر على عيوبنا او مبنحبش نطلع نفسنا وحشين وده يعتبر عيب لازم لو فينا نغيره لانه لو موجود فينا يبقى مش هنشوف حاجه غلط ودايما هنشوف كل حاجه فينا كويسه انا عماله الف وادور ولسه مجاوبتش بصى انا اكتر عيب كان فيا وكنت فعلا بضايق منه انى ساعات ببين للى قدامى حاجات مش فيا يعنى مثلا ابقى مش طايقه حد او فهمهاه انه مصلحجى او من جوه وحش بس بعامله كويس الاول كنت بقول ان المعامله لله وانى ممكن اكون سبب فانى اغيره بس اكتشفت انى كده بوشين لانى بينى وبين نفسى ببقى مش عاوزة اكلمه بس دلوقتى الحمد لله مش بتعامل غير مع الناس الى فعلا بحس انها كويسه بجد لانى كنت الاول بتاذى من التانيين كتير انا حاسه انى كده بمدح بس مش عارفه اقول عيب اوحش من كده ممكن تقولى انى متسرعه جدا او صحابى كانوا بيقولوا كده وانى مبعترفش باخطاءى ميرسى ياقمر على التوبيك ولازم تردى انتى كمان واتبسطت اوى انى اول واحده ارد عليه
|
| | |
| 02-26-2008, 06:21 PM | #3 | |
| من اسره المنتدى تاريخ التسجيل: Feb 2008 الدولة: قلب زوجى العزيز وحبيب قلبى وروحى وعقلى((المغازل الاسكندرانى)) المشاركات: 12,147 معدل تقييم المستوى: 284
| مرسي علي الموضوع الجميل انا بعترف بعيب فيا وياريت اقدر اتخله عنه الغيرة تكون دائما مسيطرة عليا في علاقاتى مع اصحابى يعنى بحب اصاحب وحده بس اما في علاقتى مع الانسان لى بحبه دائما يتضايق من غيرتى بس بيعذرنى دائما بس انا بكبر المشكلة لكن دائما يحاول معاى انى اتخلص من هذى الشئ ياريت احاول اتخلص من الغيرة
__________________     بطمنك ياحبيبى من اولها..سكتنا لو عاندتنا هنكملها دنيتنا لو تعبتنا من عمايلها..بالصبر انا وانت هنستحملها على قدنا هنعيش مع بعضينا ..وحبنا من الدنيا دى يكفينا ده انت وانا ولا عمرنا اتمنينا..غير بيت صغير وباب مقفول علينا | |
| | |
| 02-26-2008, 06:45 PM | #4 | |
| صديق منتديات حبنا تاريخ التسجيل: Dec 2006 الدولة: cairo العمر: 22 المشاركات: 2,354 معدل تقييم المستوى: 128
| الموضوع جميله اوى تسلمى يا قمر انا كان اكتر عيب فيا انى بثق بسرعة فى الناس و بفرض ان الشخص الى بتعامل معه كويس جدا بس للاسف بيظهر العكس بس دلوقتى بدات اعمل كنترول على الموضوع دا و اخلى فيه حدود للتعامل فلة منورة المنتدى من تانى يا قمر
__________________  اللهم اني أسألك حبك وحب من يحبك وحب كل عمل يقربنى لحبك يا ارحم الراحمين | |
| | |
| 02-26-2008, 09:18 PM | #5 | |
| صديق منتديات حبنا تاريخ التسجيل: Apr 2007 الدولة: iraq العمر: 29 المشاركات: 1,534 معدل تقييم المستوى: 100 | ريما ... اولا انا سعيدة بجد والله ان الموضوع عجبك وسعيدة اكثر انك اول وحده ترد عليا وثانيا اسمحيلي اعلق على كلامك عارفة ياريما فعلا احنا بنكابر على عيوبنا مع انه المفروض اننا عارفين انه مفيش انسان كامل والكمال لله وحده طبعا يعني كل واحد فينا له ميزاته وعيوبه اكيد وتعرفي اللي قولتي عليه ده انا برأيي انه مش عيب اكثر من انه بيكون حاجة متعبة جدا يعني انك تكلمي حد وانتي من جواكي تبقي مش عاوزة ده يعني بيكون احساسك من بره شكل ومن جوه شكل ثاني وده بيتعب بجد وانا بقولك الكلام ده عن تجربة لاني بعاني من نفس الحكاية واتألمت كثير بسبب الموضوع ده اما حكاية انك متسرعة ومش بتعترفي بأخطائك دي اكيد تبقى عيب ولازم تراجعي نفسك فيه لانك ممكن تخسري ناس كثير بسبب التسرع ده ريما ... بشكرك على صراحتك وجرأتك وبجد شرفتيني ونورتيني بردك صاحبة السمو .... انا شايفه ان الغيرة اللي بتقولي عليها دي ممكن تكون عيب فعلا لو كانت اكثر من اللازم خصوصا مع الانسان اللي بتحبيه لانه رغم انها ساعات بتكون دليل الحب لكن لما بتزيد عن حدها ممكن تقتل الحب ده وبقولك يارب تتخلصي من الغيرة دي نهائي او تحاولي تخففي منها شويه شكرا على ردك ومشاركتك معايه وتسلميلي لومو ..... تعرفي يا لومو كونك تثقي في الناس بسرعة معنى كده انك طيبة جدا من جواكي وبتفترضي حسن النية عند كل الناس وده انا شايفه انه صعب وخصوصا في زمانا ده والحمد لله انك ابتديتي تسيطري على الموضوع ده وفعلا كل حاجة لازم تبقى بحدود اشكرك من قلبي على ذوقك وردك الجميل والمنتدى منور بيكي والله وبكل الناس الطيبة اللي فيه وتسلميلي
__________________ | |
| | |
| 02-27-2008, 07:34 PM | #6 | |
| صديق منتديات حبنا تاريخ التسجيل: May 2007 الدولة: الاسكندرية العمر: 38 المشاركات: 2,389 معدل تقييم المستوى: 127 | اه طبعا عندى الجرأة لأعترف بأسوأ طباعى وما اكترها ومن كترها مش فاكرها كلها لكن كل اللى افتكره دلوقتى : 1- التفريط واضاعة كل الفرص الجميلة والتى تتاح لى دائما ثم الندم بعد ذلك 0 2- التردد الشديد عند قيامى باتخاذ بعض القرارات المهمة فى حياتى وكثرة التأجيل والسؤال عاطل مع باطل وكأنها نهاية العالم لأنى اخشى من الفشل جدا 0 3- دائما وابدا لا اتعلم من اخطائى ولا استفيد من تجاربى السابقة واكرر نفس الخطأ 0 4- الثقة الزائدة فى كل الناس وافتراض حسن النية عندهم ثم اصطدم با الواقع الاليم , لكن بعد فوات الاوان 000000 وكتير وكتير لكن ده كل اللى قدرت افتكره دلوقتى شكرا يا فلة على هذا الموضوع القيم وهذا الطرح الرائع وتسلم ايدك يا فلة المنتدى
__________________   لا تشغل بالك كثيرا ودع الأمر لصاحب الأمر | |
| | |
| 02-27-2008, 08:34 PM | #7 | |
| صديق منتديات حبنا تاريخ التسجيل: Feb 2008 الدولة: egypt العمر: 27 المشاركات: 564 معدل تقييم المستوى: 48
| مشكورة على الموضوع الرائع تقبلى مرورى
__________________ [align=center]    رسالة هامة الى كل من فكر فى المساس بديننا ورسولنا سواء داخل مصر او خارجها اقول له ان قلت كلمة سيئة عن ديننا الحنيف ورسولنا الكريم محمد صلى الله علية وسلم ........ سحقا لك ولدينك.... وكفانا خمول وسكوت... ايوجد شئ اسمى من ديننا ورسولنا لكى نغير عليه او نفزع له... | |
| | |
| 02-28-2008, 11:14 AM | #8 | |
| صديق منتديات حبنا تاريخ التسجيل: Feb 2008 المشاركات: 856 معدل تقييم المستوى: 55
| موضوعك اكتير حلو.. واكيد كل واحد في الدنيا ليه ميرزات وليه عيوب... وياريت نقدر نتخلص من دي العيوب وينمي غيرها شيء احسن..... انا في اطباع وحشى بتمنى اتخلص منها واولها ثقتي في الناس من اول معاملة او لقاء 2-إلحاحي وعنادي على موقف يمكن يكون في نوع من الغلط بالنسبة لغيري....وبحس انه دة الصح. وهي كتيرة بكتفي بالهالطبعين الوحشين... وتحياتي
__________________ هذه المحبة تلاقيها في القلوب الرحيمة | |
| | |
| 02-28-2008, 11:30 AM | #9 | |
| عضو نشيط تاريخ التسجيل: Nov 2007 الدولة: حيث الحب والأمل المشاركات: 137 معدل تقييم المستوى: 49
| حلو الموضوع أسواء عيوبي الخوف الطيبة الزيادة
__________________  «®°·.¸.•°°·.¸¸.•°°·.¸.•°®»الابتسامة سر الحياة الحلوة«®°·.¸.•°°·.¸¸.•°°·.¸.•°®» | |
| | |
| 02-28-2008, 01:55 PM | #10 | |
| صديق منتديات حبنا تاريخ التسجيل: Apr 2007 الدولة: iraq العمر: 29 المشاركات: 1,534 معدل تقييم المستوى: 100 | احمد ... اولا بحييك على جرأتك واكيد احنا كلنا مليانين عيوب لكن ساعات يبقى صعب ان احنا نعترف بيها وثانيا اسمحلي اتناقش معاك فيها اولا بتقول التفريط واضاعة الفرص الجميلة وبعدها الندم احب اقولك يا احمد انه انا شايفه حكاية الفرص دي نصيب مش اكثر يعني لو راحت منك تبقى مش نصيبك واكيد ربنا عاوزلك الخير فيها وهيعوضك عنها ان شاء الله وصدقني لو فكرت فيها من الناحية دي لايمكن تحس بالندم ابدا ومش هتحس انها عيب بجد ثاني حاجة بتقول انك متردد في بعض القرارات المهمة في حياتك طالما انها مهمة اكيد لازم يبقى فيه شوية تردد وممكن نقول انه مش تردد لكن تأني في اتخاذ القرار ومن غير تسرع طبعا ودي حاجة مطلوبة اكيد لان الفشل بيبقى صعب جدا وممكن مع شوية تفكير والاستعانة بالله واخذ اراء الناس الاكثر تجربة اكيد هتوصل للقرار الصحيح ويكون النجاح نصيبك ان شاء الله ثالث حاجة انك مش بتتعلم من اخطائك وتجاربك السابقة اكيد ده عيب يعني احنا المفروض نتعلم من تجارب غيرنا واخطاءهم فما بالك لما تكون تجاربنا الشخصية واخطائنا حاول دايما تفتكر الاخطاء دي واثرها عليك في وقتها عشان تمنع تكرارها مرة ثانية رابع حاجة بتقول الثقة الزايدة في الناس يمكن انا قولت الكلام ده في ردي على لومو ان ده يرجع لطيبة قلبك اكيد واللي بتخليك تحس ان كل الناس طيبة زيك وبعدين لما تتعامل معاهم اكيد تتصدم فيهم ورغم ان الطيبة المفروض انها تكون حاجة حلوة مش وحشة لكن للاسف في زمانا ده الناس شايفاها عيب ومش هقولك تنسى طيبتك دي لكن ممكن نتحكم فيها شويه يارب اكون قدرت افهم كلامك والحاجات اللي انت شايفها عيوب فيك واكون قدرت اخفف من قسوتها او قسوة الاحساس بيها عليك شويه وبلاش عشان خاطري تفتكر حاجة ثانية لانك تعبتني بجد هههههههه احمد ... اهلا بيك في اي وقت ونورتني بجد
__________________ | |
| | |
|
| العلامات المرجعية |
| أدوات الموضوع | |
| انواع عرض الموضوع | |
|
|
 المواضيع المتشابهه | ||||
| الموضوع | كاتب الموضوع | المنتدى | مشاركات | المشاركة الاخيرة |
| هل لديك الجرأة على الإجابة ......؟؟ | mody_3li | القلم الحر | 23 | 09-27-2008 11:24 AM |
| زاويـــــــة صدق .. ومساحـــــة للاعتـــــــــــــراف .. هل تملكـ الجرأة ؟؟ §*)§®¤*~, | zozo58 | للمحبين فقط | 17 | 07-25-2008 11:36 AM |
| هل لديك الجرأة للإجابة ؟ | الطيبة المسلمة | الاسلام | 2 | 04-16-2007 06:11 PM |
| الخجل ام الجرأة | memesh | كلام بنات | 7 | 03-13-2007 10:41 PM |
| هل لديك الجرأة على الإجابة ......؟؟ | وليد23 | للمحبين فقط | 0 | 01-01-1970 12:00 AM |
الإعلانات النصية | |||||
| |
|
اسلاميات | صور | صور انمى | صور مشاهير | اخبار الفنانين | اغانى عربية | البومات كاملة | ريمكسات | اغانى | اغانى قديمة | اغانى اجنبية | اغانى خليجية | اغانى شعبية | كليبات | كليبات عربية | كليبات اجنبية | تامر حسنى | البومات تامر حسنى | اغانى تامر حسنى | صور تامر حسنى | ريمكسات تامر حسنى | اخبار تامر حسنى | كليبات تامر حسنى | عمرو دياب | البومات عمرو دياب | كليبات عمرو دياب | اخبار عمرو دياب | ريمكسات عمرو دياب | صور عمرو دياب | اغانى عمرو دياب | افلام عربية| افلام عربى| افلام ممنوعة من العرض | رقص | مسلسلات عربية | افلام اجنبية | افلام هندية | افلام كارتون | مسرحيات | برامج | القنوات الفضائية | وظائف خالية| ثيمات جوال | كليبات جوال | نغمات جوال | برامج الجوال| العاب جوال| رسائل جوال| اخبار الجوال| غرائب| طرائف| جرائم| كرة قدم| مصارعة| سيارات| حواء| مكياج| ازياء | مطبخ | العاب | تجهيز العرائس | العاب كتابية | ديكور | رجيم | روايات | قصص حب | الغاز | نكت | فرفشة | حكم و امثال | علاج الاعشاب | قصص|
العرض العادي
