قصتى انا مع حب عمرى

الحب المستحيل

بسم الله الرحمن الرحيم


قصة حزينة


هذه هى قصتى انا بطل هذه القصة المؤلمة ههى قصتى مع حبيبة قلبى وعمرى كله هذه القصة التى لا اتمنى ان اى انسان يتعرض لها وهى قصة اكتبها بدموعى وحسرة قلبى لا اطول عليكم ساحكى لكم قصتى وهى قصة قد يتعرض لها كثير من الناس والبشر فى حياتهم وقد تحدث مرار وتكرار الان نبدا سرد القصة التى من بعدها اصبحت حياتى لا معنى لها واسودت الدنيا فى عينى ونرجو ان تشاركونى هذه القصة.

اللقاء الاول:

فى البداية انا شاب زى اى شاب ابلغ من العمر 28 سنة انتظر فرصة عمل وحالى متوسط والحمد الله ومن هنا نأتى انا طبعا والحمد الله شاب احترف الكمبيوتر واقضى معظم وقتى امامه وخصوصا امام شاشة النت وصفحاته حيث كان اول لقاء لى مع حبيبة قلبى السنة الماضية فى وقفة عيد الفطر المبارك يعنى اخر يوم فى شهر رمضان كانت جالس سهران امام شاشة النت ودخلت على موقع شات مشهور جدا واخذت ابحث بين اسماء الموجودين وطبعا زى اى شاب يريد ان يتحدث مع فتاة واخذت اقوم بالبحث حتى وجدت اسم غريب شدنى فقلت ادخل ارسل له رسالة فى المحدثة الخاصة واشوف هيرد ولا ايه فعلا حدث ذلك دخلت وكتبت كلمة هاى وانتظرت الرد على رسالتى فعلا بعد ثوانى وجدت الرد وظهرت لى على نافذة المحدثة الخاصة بى كلمة هاى بعدها قلت ممكن نتعارف قالت لى ممكن وسئلت طبعا السؤال المعتاد انت ولد ولا بنت قالت لى بنت واسمى .....
قلت لها وانا ولد واسمى اكمل وعاوز اتعرف قالت لى اوكى انت من فين قلت لها من كذا .......الخ وبدانا فى التعارف سويا وطبعا زى ما انتوا عارفين ان الشات كل واحدة بيدخل يتكلم ويرخم على اى حد فى الخاص فاسرعت بالكتابة للبنت وسئلتها انتى عندك بريد الكترونى او ماسنجر قالت لى ايوة بس ليه قلت لها علشان نتكلم عليها احسن من هنا فاسرعت وكتبت لى بريدها الالكترونى واسرعت انا بفتح الماسنجر عندى واضافة بريدها ووجدت منها انها فعلا انتقلت للبريد وبدات تتحدث معى فى هذا الوقت كانت الساعة تجاوزت الرابعة ونصف صباحا فقلت لى ممكن خمس دقائق اقوم اصلى قبل الشروق فقلت لها اوكى وانا كمان اقوم اصلى فقالت لى ماشى هصلى وارجع نكمل كلامنا قلت لها ماشى وفعلا قضيت الصلاة ورجعت اتحدث معها وتحدثنا مع بعض لمدة ساعة حتى بدات صلاة العيد وتكبيرات العيد فقالت لى كل سنة وانت طيب وانا ردت عليها ايضا فقالت لى طيب بقى انا هقوم انام شويا وانا قلت لها وانا هنزل اصلى العيد فقالت لى اوكى فقلت لها انتظرى هشوفك امتى على الاميل قالت لى انا مش عارفة هقعد تانى امتى بس لو قدرت ادخل هيكون على الساعة 8 بالليل وفعلا انا فى ذلك اليوم دخلت وقعدت منتظرها على الاميل لغاية الساعة 2 صباحا ولكن لم تدخل فقمت بكتابة رسالة لها فى الماسنجر وقلت لها انتى فين انا انتظرتك ما داخلتيش ليه ثم قلت لها طيب اتركى لى رسالة انتى هتدخلى امتى تانى ومرت ايام العيد الثلاثة وانتظرت ان تدخل ولكن برضو لم تدخل الا بعد اسبوع تقريبا وكنت انا انتظر حبيبتى كل يوم على النت فقلت لها ايه كنتى فين كل ده قالت لى معلش والله النت عندى كان فاصل بس خلاص انشاء الله هكون موجودة كل يوم واستمر فعلا الحال حاولى شهر او اكثر نتحدث كل يوم مع بعض ساعات طويلة على النت وهكذا ناتى هنا بقى للقسم الثانى من القصة وهى.

بداية شرارة الحب

طبعا كل يوم كنت اتحدث الى حبيبتى على النت حتى جاء يوم قلت لها انا عاوز اشوفك لو ينفع قالت والله وانا كمان نفسى اشوفك قلت لها ماشى فين قالت لى بس فى مشكلة فقلت لها ليه قالت انا هسافر النهادرة الفجر طبعا كانت الساعة حاولى 12 بالليل فقلت لها ياخسارة كان نفسى اشوفك قالت لى وانا اكتر بس والله انا مسافرة فى الفجر فقلت لها توصلى بالسلامة وبدانا نكمل الحديث ونضحك ونهرج كالعادة ومن هنا بدا قلبى يتحرك وبدات اشعر بانها هى اصبحت كل شئ بالنسبة لى ولا استطيع الاستغناء عنها فقلت لها عاوز اعترف لكى بحاجة قالت وانا كمان قلت لها انا بحبك فقالت لى وانا كمان والله العظيم بحبك لانك انسانة كويس ومحترم وانا بحبك فاسرعت وقلت لها طيب انتى طبعا مش مصريا قالت لى اه ان من ......... فقلت لها يا سلام تصدقى انا كنت بتمنى انى اتزوج فعلا من بلدها يعنى فقالت لى وانا كمان نفسى اتزوج مصرى فقلت لها خلاص انا بحبك وانتى كمان فقالت لى اه بس فى مشكلة بابا مستحيل هيوافق على الارتباط ده فقلت لها ليه علشان انا مصرى قالت لى ايوة وبعدين هو عاوز واحد يكون غنى وبقدر يعيشنى فى نفس مستويا فقلت لها بس انا فعلا بحبك ومش هقدر استغنى عنك قالت لى وانا كمان واعودك انى مش هكون لحد غيرك وقلت لها وانا كمان برضو اعودك بذلك ثم طلبت منى حبيبتى وقالت لى ممكن اقوم دلوقتى علشان ادخل اخذ دش واجهز ملابسى اللى هسافر بيها فقلت لها طيب هتدخلى تانى فقالت لى مش عارفة بس تقريبا لا فقلت لها طيب هكلمك امتى على النت قالت لى اول ما اوصل هدخل على النت واكلمك وطلبت منى ان اخالى بالى على نفسى وقالت لى يا حبيبى انا عاوزك تخالى بالك من نفسك توعدنى فقلت لها طيب عندك ميك قالت اه قلت لها طيب اسمع صوتك فقالت اوكى وفعلا عملت اتصال بى على الماسنجر وقالت لى بحبك بحبك وخالى بالك من نفسك وانا قلت لها حاضر اعودك حبيبتى وقلت لها ده رقم تليفون البيت....... وده رقم الموبايل........ فاخذتهم وقالت لى خلاص انا هتصل بيك اول لما اوصل قلت لها ماشى هنتظر تليفونك وفعلا سافرت حبيبتى الى بلدها وانتظرت ان تتصل بى ولكن لم تتصل ولا تدخل على النت فبدا القلق يتسرب الى قلبى وانا فاتح النت والاميل بتاعى الا ان حدثت لى مفاجاءة وجدت اميلها مفتوح فقلت لها هاى حبيبتى وحشتنى جدا وانتظرت الرد وجاء الرد بكلمة هاى انا مش ...... انا بنت خالها...... فقلت لها وانا اسئل على حبيبتى اين هى قالت هى قالت لى ان اتصل بيك على الاميل واطمنك عليها انها وصلت بس هى تعبان من السفر وهتكلمك بكرة بالليل على الاميل فهنا شعرت براحة شديدة جدا وقلت لها ماشى بلغيها سلامى لها فقالت حاضر وفعلا فى اليوم الثانى دخلت على الاميل بدات تتكلم معى واخذ من وقتها الحب يكبر بيننا يوم بعد يوم وطلبت منى حبيبتى ان اشترى كاميرا علشان تكلمنى بالصورة فقلت لها ماشى وفعلا نزلت واشتريت كاميرا وبدات اتحدث معها فقالت لى انت زى القمر انا فعلا هتجنن عليك انا بحبك اوى وعمرى ما هبعد عنك وقلت لها وانا كمان طيب انتى هتجى مصر امتى قالت لى لسة مش عارفة وفى يوم كان النت مفصول عندى وهى دخلت ولم تجدنى على النت وظل الحال لمدة يومين تقريبا وانا هتجنن علشان ادخل اتحدث الى حبيبتى وفى اثناء تفكرى وجدت جرس التليفون يرن فاسرعت ارفع السماعة فاذا بالمفاجاءة التى كنت لم اتوقعها فهى حبيبتى قالت لى انت فين قلت لها حبيبتى وحشتنى موت انا اسف والله النت مفصول عندى بس هيرجع بكرة وهى قالت لى انا كنت قلقى عليك جدا خلاص ماشى انا هنتظرك بكرة قلت لها انشاء الله ودخلت فعلا فى اليوم الثانى بعد رجوع النت عندى انتظر حبيبتى فدخلت فى الميعاد المحدد وقالت لى حبيبى ازيك وحشتنى عامل ايه وردت عليها فقالت لى عندى لكى مفاجاءة مش هتصدقها فقلت لها ايه خير قالت انا هنزل مصر بعد اسبوع فطبعا انا ما كنتش مصدق نفسى وطاير من الفرح وانتظر ان الاسبوع يمر بفارغ الصبر حتى جاء يوم الوصول اذا ببنت خالها تدخل على اميلها وتقول لى احنا هنروح المطار علشان نجبهم من هناك فقلت لها اوكى والله كان نفسى اروح استناها هناك فقالت لى معلش بقى هى كدة كدة هتشوفك قريب وقعدت استنى على النت فى ذلك اليوم وكانت الساعة 11م واذا بها تدخل على النت وتقول لى هاى وحشتنى وانا ردت عليها ودار الحديث بيننا لمدة ساعتين تقريبا وقالت لى انا هقوم انام بقى علشان تعبانة من السفر قلت لها اوك فقالت لى خلاص انا هتصل بيك بكرة وفعلا اتصلت بى على تليفون المنزل وطلبت منى ان اشوفها يوم السبت فقلت لها ماشى خلاص هشوفك يوم السبت بس فين فحددت لى المكان والساعة وفعلا انا كنت منتظرها فى ذلك الوقت واذ بيها تدق على الموبايل وتقول لى انت فين فقلت لها انا منتظرك اهو فقالت لى طيب انا خلاص شوفتك وفعلا اذا بى بنظر وجدتها امامى وسلمت عليها ثم سئلتها تحبى نذهب فين قالت لى اى مكان فبالتالى انا فى ذلك الوقت لم يكن فى دماغى اى مكان معين فقالت لها ما رايك نذهب للسينما فقالت لى ماشى فعلا وذهبنا الى السينما وبعدها خرجنا وجلس فى مطعم نتناول الغذاء سويا وبعدها طلبتى منى الذهاب علشان مش تتاخر عن الميعاد التى كانت تواعد بنت خالها فيه ومن هنا بدات علاقتنا تقوى اكتر واكتر ولكن دائما تاتى الرياح بما لا تشتهى السفن حيث بعدها بكام يوم قالت لى انا هسافر وبابا عرف كل شئ وقال ان انا مش هنزل مصر تانى خالص وهنا كانت لى بمناسبة صاعقة حقيقة الا انها فعلا سافرت وبعدت عنى ولكن برضو ظلت علاقتنا كما هى على النت والتليفون وانا كنت فاقد الامل انى اشوفها تانى هنا فى مصر الا انها جاءت بمفاجاءة لى وقالت هى هتنزل مصر علشان تقضى خطوبة بنت خالها وفعلا نزلت حبيبتى مرة اخرى واتصلت بى لما جاءت وتم بيننا اللقاء الثانى فى نفس مكان اللقاء الاول بس المرة ديه لم ندخل سينما ولكن ذهبت مع حبيبتى الى النادى اللى مشترك فيه وجلسنا لمدة ساعتين تقريبا مع بعض وبعدها انصرفت حبيبتى الى بيتها واستمر الحب يكبر يوم عن يوم بييننا عن اليوم الاول واتفقت معى حبيبتى على انى لازم اجد اى عمل علشان نتوج الحب بالزواج وكنت انا ابحث عن اى عمل وطلبت منها ان تجد لى فرصة عمل فى بلدها وقالت لى ربنا يسهل والله ححاول اشوف لكى اى شغل بس المهم تكون جانبى ومش تبعد عنى اى لحظة وانا وفقت وفعلا صدقت حبيبتى فى توفير عمل لى بس كان فى مشكلة ان كانوا عاوزين واحد بيعرف يسوق ومعه رخصة قيادة وطلبت من والدها ان يشوف لى عمل اخر بس حدث ما لا يكن متوقع اذا بوالدها يعرف انى مصرى فقال لها لا انا مش هخليه يدخل هنا خالص ولا انتى هتنزيل مصر تانى ولا تكلمى بنت خالك مرة اخرى وهنا ناتى الى الجزء المؤلم فى القصة وهو
بداية المشاكل مع اهلها حتى لحظة الفراق:
فى يوم كانت حبيبتى كالعادة طبعا تتحدث معى على النت وقالت لى انا بنزل بس اسوى حاجة لماما وبعدها برجع اكلمك تانى استنى مش تخرج فقالت لها ماشى انا منتظرك وفعلا خرجت من على صفحة الماسنجر عندى ورجعت بعد شويا ولكن كانت المفاجاءة اذ وجدت بنت خالها هى اللى موجودة وتقول لى يا اكمل وذكرت اسمها طبعا .... وقالت لى هى لسة مكلمنى من شويا بعد ما قفلت معاك وعملت مشكلة كبيرة مع باباها وهو ضربها واذا بى بكلم بنت خالها قالت لى ثانية واحدة اشوف الموبايل لانها بتتصل بى قلت لها ماشى وانتظرت قليلا حتى رجعت بنت خالها مرة اخرى وقالت لى فى مصيبة طبعا انا ساعتها حاست بان كل جسمى اتشل وقلت لها فى صوت مصحوب بالبكاء فى ايه مالها........ حصل ايه ووقتها كانت حبيبتى فى رحلة مع اهلها فى ايران قالت لى انها دخلت العناية المركزة وحالتها خطر والكل بيقولوا انها بطنطق اسمك فقط وانا هنا طبعا لا استطيع وصف حالتى فى هذه اللحظة ظلت صاحى طول الليل ولا انام وعمال ابكى واصلى وادعى الله ان ينجيها علشان خاطرى وخاطر الحب الموجود بيننا وفى اليوم الثانى وجدت بنت خالها تاركة لى رسالة بتقول خلاص اطمن هى بقت كويسة وتخرج كمان يومين من المستشفى فقلت الحمد الله وقمت وقتها بالشكر الى ربنا وحمدته كثيرا انه ناجى حبيبة عمرى وكتب لها عمر جديد فعلا خرجت حبيبتى من المستشفى وكانت لاتريد ان تخبرنى بما حدث فقلت لها كنتى فين امبارح واول انا انتظرتك على النت فقالت لى معلش حبيبى والله كنت فى مشوار مع بابا وكنت برجع متاخرة فبنام وهى لاتعلم بانى اعرف الحقيقة فبدات الكلام معها فى وسط الكلام هى سئلتى عن بنت خالها اذا كانت كلمتنى اما لا فقلت لها طبعا كلمتنى بس مش كتير فقالت ااااااه وقالت لكى على شئ قلت لها لا رغم انى كنت عارف الحقيقة وشويا شويا قلت لها انا عرفت انك كنتى فى المستشفى فقالت يعنى برضو قالت لك رغم انى قلت لها مش تقولى له حاجة فقلت لها يا حبيبة عمرى انا كان لازم اعرف ايه اللى حصلك وهى علشان عارفة انى بحبك اد ايه فقالت لى وعدى الموضوع واتت مرة اخرى حبيبتى الى مصر علشان تقضى امتحانتها واتصلت بى وتم اللقاء الثالث بيننا مثل كل مرة وبعد انتهى اللقاء قالت لى هشوفك بالليل على النت فقلت لها ماشى وانتظرتها على النت فعلا ولكن حدثة مفاجاءة انها لم تدخل فاسرعت الى الموبايل وقمت بالاتصال بيها علشان اطمن عليها فقالت لى النت والله فاصل معلش حبيبى فقلت لها لا بس انا كنت قلق عليك يا عمرى وبعدها بكام يوم انقطعت عنى اخبرها لمدة 3 اسابيع تقريبا ولا بتتصل ولا بتدخل على النت وفجاءة وجدت بنت خالها موجودة بتقول هى بصراحة عملت مشكلة كبيرة مع باباها تانى علشان هتسافر بكرة وهى مش عاوزة ترجع بلدها مرة اخرى وعاوزة تفضل هنا فى مصر لكن باباها مش موافق وقال لها هتسافر غصب عنك وبرضو هتتزوجى ابن عمك اما اكمل ده فانسيه خالص ومش عاوز اسمع اسمه مرة اخرى وطبعا بما ان حبيبتى لا تريد غيرى فضلت مستمرة مع اهلها فى مشاكل بسببى لدرجة انها رجعت بعد ماسفرت باسبوع مصر لوحدها وطلبت من بنت خالها انها مش تقول لى شئ الا ان بنت خالها برضو اتصلت بى وقالت لى انها هنا فى مصر وطبعا انا كنت فرحان جدا ان حبيبتى رجعت لى ومرت ايام ووجدت حبيبتى تتصل بى وقمت الى التليفون مستيقظ من النوم وردت فوجدتها هى واخذنا نكمل حديث الحب والمشاعر بيننا ايضا الا انى قلت لها خلاص انا عارف انك فى مصر فضحكت وقالت اااااااه برضو ..... قالت لك ما فيش فايدة فى البنت ديه فقلت لها هى بتساعدنا وتشكر على ذلك فقالت انا عارفة كدة وبعدها انقطع الاتصال منها ولا نت ولا تليفون وكنت هتجنن الا انى عرفت للمرة الاخرى من بنت خالها انها عملت حادثة بالسيارة ودخلت المستشفى بس برضو خرجت كويسة وسليمة المرة ديه وبعدها سافرت حبيبتى مرة اخرى الى بلدها وهنا جاءت امتحانات شهر مايو اذا وجدت حبيبتى تتصل بى وتقول لى انا هنزل كمان اسبوع علشان الامتحانات بس المرة ديه نزلت وكان طبعا المشاكل مستمرة مع باباها بسببى فكان مشدد فى الدخول والخروج بالنسبة لها الا انه سافر فجاءة الى اخته فى الاسكندرية فوجدت حبيبتى تتصل بى وقالت لى انا عاوز اشوفك وقلت لها ماشى امتى وفين فقالت لى يوم الخميس الساعة 11 فى نفس المكان فقلت لها اوكى فعلا قابلت حبيبتى وهنا كانت اخر مرة تقريبا خرجنا مع بعض فيها وشوفتها واستمر كلامنا على النت بعد هذا اللقاء الاخير لفترة ومن هنا تاتى.

لحظة الفراق

استمرت حبيبتى تحدثنى على النت لفترة وتتصل بى وهنا يا شباب يكون اتى شهر رمضان للسنة الثانية يعنى فات سنة على حبنا تقريبا فدخلت فى اخر يوم قبل رمضان على النت لمدة قصيرة لا تذكر حاولى 10 دقائق فكانت تضحك معى وتهرج وقلت لها عاوز اشوفك قالت لى مش هينفع بكرة رمضان كل سنة وانت طيب اخرج انت عاوز تفسد صيامى فقلت لها الخروج عادى مش حرام فقالت لى لا خليها بعد العيد اشوفك قبل ما اسافر فقلت لها ماشى وبعدها فات شهر رمضان كله ولم تدخل يوم واحد على النت ولا تتصل بى حتى اتى العيد فقلت يمكن هتتصل بى بعد العيد علشان اشوفها الا حدثت الصدمة التى زلزلت كل كيانة وكسرت قبلى ولم تجف دموعى لحظة واحدة منذ ذلك اليوم حتى لحظة كتابتى القصة وجدت بنت خالها تتصل بى على النت وكنت فاكر انها حبيبتى فقالت لى انا مش ....... انا ....... فقلت لها ازيك ودار حديث قصير وسئلت عن حبيبتى فقالت لى انا بصراحة مش عارفة اقول لك ايه فانا قلت اكيد ابوها زوجها ابن عمها فقالت لى بصراحة يا اكمل فقلت لها خير قالت لى حبيبتك وحب عمرك ماتت وهنا كانت الصاعقة بالنسبة لى فقلت لها بتقول ايه امتى ده قالت لى تانى يوم رمضان حدث لها هبوط حاد فى الدورة الدموية نتيجة زعل وخلاف مع باباها علشانك فاخذت ابكى وكانت الدنيا تدور بى ولا ارى اى شئ امامى هل من المعقول انى لا استطيع ان ارى حب عمرى مرة اخرى ولا اسمع صوتها الى الابد هل هذا هو نهاية الحب الذى اتولد بيننا وكله بسبب طبعا المال لان ابوها كان عاوز واحد غنى اذا فماتت حبيبتى فى سبيل ان لاتكون لشخص اخر غيرى وقالت لى هى كانت بتتكلم عنك فى اخر يوم قبل ما تتعب وتواجه الموت وبتقول لك انها بتحبك جدا اكتر من اى حاجة وبتقول لك خد بالك من نفسك كويس علشان مش تزعل منك طبعا هذه الكلامات نزلت على مثل الصاعقة وتمنيت فى ذلك اللحظة الموت حتى اكون مع حبيبة قلبى التى لم احب شخص اخر غيرها مادى حياتى
وهذه كانت نهاية قصتى مع حب عمرى التى فقدت حياتها فى سبيل الدفاع عن حبها لى وادعو الله ان يتغمدها برحمته وان تكون فى الجنة مع الابرار واسئلكم الفاتحة لها والدعاء واتمنى من الله ان يجمعنى بيها فى القريب العاجل.
اسف اذا كنت اطالة عليكم فى سرد القصة ولكن هذه نهاية قصتى التى هزة كل كيانى ودمرت قلبى الى الابد

منقول

 

 

 

__________________




سأكون دائما
الحب المستحيل
ملكة الاحزان
شأعيش فى عالم الاحزان
أنا الاحزان ايها الاحباب

abeer 1234

بسم اللة الرحمن الرحيم

انا لما قريت القصة واقريت النهاية انا بكيت وزعلت للحصلها وربنا يرحمها ويصبر حبيبها
واقول للاب حرام انة رفض زواجهم عشان انة مش غنى وضيع بنتة فى الاخر هل نفعهم طمعة فى شخص غنى فى الاخر

شكرا جدا ياالحب المستحيل على هذة القصة التى اثرت فيا بجد واحزنتى كثير

وتقبلى مورورى وتحياتى

 

 

 

__________________

mody_3li

لا حول ولا قوة الا بالله

شكرا جاكى على الموضوع

 

 

 

الاميره شهرذاد

شكرا يا قمر علي القصه

خلتيني اعيط

 

 

 

__________________
أعذروني مش هقدر ابقي معاكم الفترة دي الأمتحانات قربت اوى

أهئ أهئ اهئ

saraa

قصه حزينه فعلا ربنا يرحمها ويصبر حبيبها يسلمو ايديكى

 

 

 

__________________
يالى بحبه ياناس غايب ما بيسأل عنى

soso angel

لا حول ولا قوة الا بالله
انا اول ما قربت من النهايه عيط اوى
يارب تكون ف الفردوس
قصتك دى حزينه اوى
اللى تحبها ومن قلبك تموت
وده كلوا بسبب الاب الشرير
تقبل مرورى

 

 

 

lovelyheart

انا لما قريت موضوعك بجد ما صدقتش ان ممكن حد يحب حد للدرجة دى
ميرسى ع الموضوع كتييييير
تقبل مرورى

 

 

 

__________________

dodo egypt

لا حول ولا قوة الا بالله اوك ازعل اد ما انت عاوز بس لازم الحياة تمشى ومتعملش فى نفسك كدة

 

 

 

__________________

i love yoU: